ناوەندی هەواڵ

 

لە چوارچێوەی پرۆسەی گەڕانەوەی خەڵکی نەدەنی بۆ شارەکە، ١٠ی ئاب، ئۆتۆمبێلی تایبەت بە ئاوارەکانی سەرێکانی شکاندران و ڕێگری لە هەندێکیان کراکە بچنە ناو ماڵەکانیانەوە، دوای گەیشتنی یەکەم کاروان.

 

کۆنگرەی ستار، ١١ی ئاب، ڕاگەیاندراوێکی دەرکرد و تێیدا پەرەسەندنی پێشێلکارییەکانی دژی خەڵکی مەدەنی لە سەرێکانی سەرکۆنە کرد، لە دەقەکەیدا هاتووە: لەو کاتەی کە دەبوو گەڕانەوەی ئاوارەکان بۆ ناوچەکانیان مافێکی ڕەوا و سەرەتایەک بۆ سارێژکردنی برینەکان بێت، بە نیگەرانییەکی قووڵەوە چاودێریی ئەو هێرش و پێشێلکارییانە دەکەین کە ڕووبەڕووی یەکەم کاروانی خەڵکی مەدەنیەە گەڕاوەکانی ئاوارەی سەرێکانی بوونەوە، لە کاتی گەڕانەوەیان بۆ ماڵ و حاڵی خۆیان دوای ساڵانێک لە کۆچکردن و ئاوارەبوونی زۆرەملێ، لەگەڵ ئەو گرژییە بەدوای خۆیدا هێنای لە چەند ناوچەیەکدا.

 

ڕاگەیاندراوەکە هێرشەکانی سەر خەڵکی مەدەنی بێچەک و تێکدانی موڵک و ماڵی ئەوانی سەرکۆنە کرد و ڕایگەیاند، ئەم خەڵکە مەدەنییە دوای ساڵانێک لە کۆچکرد. گەڕاونەتەوە، تەنها خەونی جێگیربوون و دووبارە بونیادنانەوەی ژیانیان پێیەوه بووە، بەڵام لە بری ئەوە شەپۆلێک لە هەڕەشە و توندوتیژی و دەست بەسەرداگرتنی موڵک و ماڵ پێشوازییان لێیان کردن و ڕێگرییان لێ کرا لە پیادەکردنی سادەترین مافەکانیان لە گەڕانەوەیەکی پارێزراو و شکۆمەندانەدا، بەئامانجگرتنی خەڵکە مەدەنیە گەڕاوەکان تەنها هێرش کردنە سەر کەسەکان نییە، بەڵکو هێرشە بۆ سەر نموونەی پێکەوەژیان و بۆ سەر ئەو پێکهاتەی کۆمەڵایەتییەی کە باجێکی گرانمان داوە لە پێناو پاراستنیدا.

 

کۆنگرەی ستار جارێکی تر بانگەوازەکەی نوێ کردەوە بۆ ڕاگرتنی دەستبەجێی پەرەسەندنەکان و پەیڕەوکردنی بەرەنگاربوونەوە و کردنەوەی دەرگاکانی گفتوگۆ، جەختی لەوە کردەوە، کە بەردەوامبوونی گرژی و توندوتیژی تەنها دەبێتە هۆی قووڵکردنەوەی برینەکان و زیادکردنی ئازاری خەڵکی مەدەنی و هەڕەشەکردن لە ئاشتی ناوخۆیی، هەروەها حکومەتی کاتی سووریای بە بەرپرسیار زانی لە پاراستنی خەڵکی مەدەنی گەڕاوەکان و دابینکردنی ئاسایش و موڵک و ماڵیان و لێپرسینەوە لەو کەسانەی دەستیان لە هێرشەکاندا هەبووە.

 

کۆنگرەکە داوای لە ڕێکخراوە دادپەروەر و مرۆییەکان کرد، لە سەرووی هەمووشیانەوە کۆمیسیۆنی باڵای کاروباری پەنابەران، کە بە دەستوەردانی بەپەلە هەڵبستن بۆ بەجێهێشتنی پێشێلکارییەکان و کۆتاییهێنان بەو پێشێلکارییانە، و داوای لە کەسانی عاقڵ و ڕیشسپیی خێڵەکان کرد لە ناوچە جیاوازەکاندا کە ڕەتکردنەوەی وتاری ڕق و کینە بکەن و کار بکەن بۆ دووبارە بونیادنانەوەی متمانە لە نێوان پێکهاتە سوورییەکاندا.