ناوەندی هەواڵ

 

لە سەروبەندی نزیکبوونەوەی ڕۆژی ٨ی ئادار، ڕۆژی جیهانی ژنان، ڕێکخستنی ناڕەزایەتی کرێکارانی گرێبەستی نەوت کە ڕۆڵێکی بەرچاویان لە ڕاپەڕینی شۆڕشگێڕانەی شەش مانگی ڕابردوودا هەبوو، لێدوانێکیان دا و وێڕای پیرۆزبایی لەم ڕۆژە، جەختیان لەوە کردەوە کە ٨ی ئادار ڕۆژی خەبات و تێکۆشانە دژی نایەکسانی و نادادپەروەری لە کۆمەڵگەدا.

 

بەیاننامەکە بەم شێوەیەیە:

ئەمساڵ بەهۆی ناڕەزایەتییە گشتییەکانی دوای کوشتنی ژینا ئەمینی و هاتنە دەنگی خەڵک لەسەر ئاستی کۆمەڵگە لەدژی ئەم کوشتنە دڕندانەیە و لەدژی هەڵاواردنی جێندەری دژی ژنان،  لە دژی ٤٤  ساڵ چەوساندنەوە و تاوانکاریی لەلایەن حکومەتەوە بەرامبەر بە ژنان و هەموو کۆمەڵگە، ڕۆژی جیهانی ژنان ڕەنگی شۆڕشە، لە ژێر دروشمی " ژن، ژیان، ئازادی" با ئەم ڕۆژە بە شێوەیەکی بەرفراوان و سەرتاسەری بەرز ڕابگرین.

 

هەموومان دەزانین چۆن ئایین و هەڵاواردنی جێندەری بە ئاڵای حیجابەوە هەمیشە ئامرازێک بووە لە دەستی حکومەتدا بۆ تاڵانکردن و سەرکوتکردنی هەموو کۆمەڵگە و ڕەشکردنی ژیانی کرێکارانمان و هەموو مرۆڤەکانی ناو بەرفراوانی ئێران، حکومەت بەم ئامڕازانە هێرشی کردوەتە سەر کۆمەڵگە بە ئامانجی تاڵان و وێرانکردنی ژیان و بژێوی ئێمە.

 

بۆیە بۆ ئێمەی کرێکاران و بۆ هەموومان ڕۆژی ٨ی ئادار ڕۆژی دادگاییکردنە لە دژی ٤٤ ساڵ تاوان و بێ یاسایی و ڕۆژێکە بۆ کۆتاییهێنان بە کۆیلایەتی، خۆشبەختانە ئێمە وەک یەکێک لە واژۆکاران کەمترین داواکارییەکانی یەکێتی و ڕێکخراوە مەدەنییەکان، بە شێوەیەکی هەمەلایەنە قسەمان کردووە و ئەمڕۆ لە سەروبەندی ٨ی ئاداردا، بە جەختکردنەوەیەکی زیاترەوە ڕایدەگەیەنین کە ئەم بەیاننامەیە ئاڵای خەباتی ئێمەیە لە دژی هەمووان نایەکسانی و نادادپەروەری لە کۆمەڵگەدا.

 

جەخت لەوە دەکەینەوە کە ٨ی ئادار دەرفەتێکە بۆ دەسەتەبەرکردنی یەکسانی تەواوی مافەکانی ژنان لەگەڵ پیاوان لە هەموو بوارەکانی سیاسی و ئابووری و کۆمەڵایەتی و ڕۆشنبیری و خێزانی و هەڵوەشاندنەوەی بێ مەرجی یاسا و فۆرمەکانی جیاکاری، چونکە ئێمە بەرگەی هیچ جۆرە جیاکاری و نایەکسانییەک ناگرین و هەر یاسایەک پێشێلی بکات دەبێت هەڵبوەشێتەوە، پێویستە جیاکاری ڕەگەزی و هاوسەرگیری منداڵان قەدەغە بکرێت.

 

کچانی ئێمە لە قوتابخانەکان لە پێشەنگی ناڕەزایەتی دەربڕین بوون سەبارەت بەم مافە و بینیمان چۆن دەستدرێژی و هێرش کرایە سەر قوتابخانەکان و ئەمڕۆ ئەو کچە خوێندکارانەی کە هاتنە سەر شەقامەکان دژی حیجاب و ستەم و دروشمی ئازادییان دەوتەوە ئەمڕۆ لە سیناریۆی تاوانکاری ژەهراویبوون لە قوتابخانەکاندا دەبنە قوربانی، ئەمانە منداڵی ئێمەن و پێویستە بە گردبوونەوەی گەورەی ناڕەزایەتی ڕووبەڕووی ئەم کۆرپەکوژییە ببینەوە و لە کۆتاییدا دڵخۆشین بە بانگەوازی ٥٢ ڕێکخراوی قوتابیان و ژنان و گەنجانی شۆڕشگێڕی ناڕەزایەتییەکان و بە شێوەیەکی ئەرێنی وەڵامی بانگەوازی ئەو گەنجە ئازیزانە دەدەینەوە.

 

ئەنجومەنی ڕێکخەری ناڕەزایەتی کرێکارانی گرێبەستی نەوت بانگەوازی هەموو کرێکارانی ناو کەرتی نەوت و ناوەندەکانی دیکە دەکات بۆ ئەم ڕۆژە ناڕەزایەتییە سەرتاسەرییە.

 

٨ی ئادار ڕۆژی "ژن، ژیان، ئازادی" یە.