ناوەندی هەواڵ

 

ئەنجومەنی ژنانی کۆنگرەی ستارەکانی باکوور و ڕۆژهەڵاتی سوریا بەیاننامەیەکی نووسراوی بە نازناوی 'هاوڕێ، فەرماندە و نوێنەری ژنی ئازاد' بۆ ڕاپەڕین ئامەد ناسراو بە دەلال عەزیزئۆغڵو، یەکێک لە پێشەنگەکانی بزووتنەوەی ئازادی ژنان، کە لە هێرشەکانی دەوڵەتی تورکدا گیانی لەدەستدا، بڵاوکردەوە

 

"ئەوان ئازایەتی و بوێریمان پێدەبەخشن"

لە بەیاننامەکەدا هاتووە، "لەم پڕۆسەیەی شۆڕشی ژنان بە دروشمی ژنان، ژیان، ئازادی لە هەموو جیهاندا سەرهەڵدەدات و دەنگ دەداتەوە، ئێمەش وەک کۆنگرە ستار دڵتەنگین بە بیستنی شەهیدبوونی ڕاپەڕین ئامەد (دەلال عەزیزئۆغڵو) لە ١٧ی حوزەیرانی ٢٠٢٢ لە هەرێمەکانی پاراستنی مەدیا، لە ئەنجامی هێرشەکانی دەوڵەتی داگیرکەری تورکدا، لەم پرۆسەیەدا بەرخۆدانی ژنان بە پیتی زێڕین لە مێژووی مرۆڤایەتیدا نووسراوە و بە خوێنی هەزاران قارەمانی ئەم وڵاتە نووسراوە. ئێمە وەک بزووتنەوەیەکی ژنان هەمیشە هێزی خۆمان لەم نوێنەران و پێشەنگەکانمان وەردەگرین و خەبات دەکەین، بە تایبەت لە خەباتی بزووتنەوەی ئازادیدا، شایەتحاڵی ژنان و پێشەنگایەتییەکانی ژنان هێندەی تر بە ڕوونی تیشک دەخەنە سەر ئەمە و هێزمان پێدەبەخشن و لە هەمان کاتدا بەرپرسیارێتیمان قورستر دەکەن.

 

ئەمانە شەهیدەکانمانن کە غیرەت و ئازایەتیمان پێدەبەخشن، ئەمانەن بە خوێنی پیرۆزی خۆیان خاکی کوردستان ئاو دەدەن و بەرەو سەرکەوتن دەمانبەن. هەزاران ژن بە ڕێگای فەلسەفەی ڕێبەری سەدە ڕێبەر ئاپۆدا ڕۆیشتن و لە تاریکییەوە بەرەو ڕووناکییان بردین، لەسەر ئەم بنەمایە ئێمە وەک کۆنگرەی ستار ئازاد ڕاپەڕین ئامەد (دەلال عەزیزئۆغڵو) وەک دۆست و فەرماندە و نوێنەر و نمونەی ژنێک یاد دەکەینەوە.

 

هەڤاڵ ڕاپەڕین لە شەقامەکانی ئامەددا بە هاوارەکانی بەرخۆدان لە زیندانەکانی ئامەدەوە گەورە بووە و ژیانی خۆی بەخشیوە بە خەبات بۆ ئازادی گەلەکەی و هەوڵ و قوربانییەکی بێهاوتای بۆ ژنان داوە، دەیکەین بە پێشەنگی خۆمان و ڕێباز و فەلسەفەکەی پەیڕەو دەکەین.

 

شوێنپێی ژنانی ئازادیخوازی گرتەوە

هەڤاڵ ڕاپەڕین بە شوێن پێی بێریڤان و بێریتان و زیلانان ڕۆیشتن و بە فەلسەفە و بیرۆکەکانی ڕێبەر ئاپۆ، لە شاخ و لە هەر سوچێکی کوردستان و دەرەوەی وڵات خەباتێکی بێهاوتای بەڕێوەبرد. هەزاران گەنجی ڕاهێنا و وەک ژنێکی پێشەنگ فەرماندەیی دەکرد، هەمیشە لەسەر ڕێگای شەهیدان دەڕۆیشت، لەگەڵ بچووکەکان بچووک بوو، لەگەڵ گەورەکاندا گەورە بوو، بە هاواری ژنانی شنگال و ژنانی ڕۆژئاواوە چوو، دڵی خۆی بە نیشتمانەکەی بەخشی. ئەو عەدولەی  سەردەم و عاشقی نیشتمان بوو، جەنگاوەری حەقیقەت و هەمیشە لە دژی تاریکی و نادادپەروەری شەڕی دەکرد. بۆ هەر شوێنێک دەچوو ڕۆحی ئارینانی لەگەڵ خۆیدا هەڵگرتبوو، جاری وابوو دەبوو بە لەیلا قاسم و بەرەنگاری ستەم و زاڵم بووەوە، جاری وابوو بوو بە زەکییە و لە شەقامەکانی ئامەددا دەسووتا، هەندێک جار بوو بە هاواری بەرخۆدانی ژیان و لە شەقامەکانی ئامەددا دەنگی دایەوە. بوو بە کچی بێریتان و لە بەردەم کەندەڵانەکاندا فڕی، هەڤاڵ ڕاپەڕین هەرگیز نادادپەروەری قبوڵ نەدەکرد، هەمیشە شوێنکەوتوو و خەباتکاری حەقیقەت بوو، هەرگیز لە ڕێبازی حەقیقەت لا نەدەدا.