ناوەندی هەواڵ

 

گۆڕانی کەشوهەواو گرفتی کەم ئاویی و نەبوونی ئاوی خواردنەوە پرسێکی جیهانییە و ڕۆژ بە ڕۆژ مەترسییەکانی زیاتر دەردەکەون، لە هەرێمی کوردستانیش هاوڵاتیان بەدەست کەمتەرخەمی دەسەڵاتداران و سیاسەتی بێ ئاو کردن کاریگەرییان لەسەرە.

 

"هیوا فاوندەیشن" کە ڕێکخراوێکی ناحکومییە، لە کەناڵی یوتیوبیان زنجیرەیەکیان بە ناوی "ئاڵەنگارییەکانی سەردەمـی ئـێمە" بڵاو کردووەتەوە و تێیدا بابەتی "چارەسەری کەم ئاوی و بەفیڕۆدانی ئاو لە هەرێمی کوردستان" شیکراوەتەوە.

 

ئاماژە بەوەشکراوە،  بەپێی پێوەرە جیهانییەکان هەر کەسێک ڕۆژانە پێویستی بە ٢٠٠ لیتر ئاو هەیە، بەڵام لە هەرێمی کوردستان ٥٠٠ لیتر ئاو بەکاردەهێندرێت و هەر تاکێکی هەرێمی کوردستان ڕۆژانە ٣٠٠ لیتر ئاو بە فیڕۆ دەدات.