ناوەندی هەواڵ

 

بزووتنەوەی ژنان بۆ ئازادی، بەبۆنەی ٢٦ی حوزەیران، ڕۆژی جیهانی پشتیوانی لە قوربانیانی ئەشکەنجە لە زیندانەکان، ڕایگەیاند کە ڕۆژانە دەیان حاڵەتی ئەشکەنجەدان، پێشێلکردنی مافی مرۆڤ و چەوساندنەوەی زیندانیان لە زیندانەکانی تاڵیبان ئەنجام دەدرێت، کە دەبێ ئەوە بهێنرایەتە بەرچاوی کۆمەڵگەی نێودەوڵەتی.

 

بزووتنەوەکە لە ڕاگەیەندراوەکەدا داوای لە کۆمەڵگەی نێودەوڵەتی کردووە، "تاڵیبان بەهۆی ئەشکەنجەدانی کچان و ڕۆژنامەنووسان و چالاکوانانی مافی مرۆڤ کە لە زیندانەکانیدا زیندانیکراون، دادگایی بکات و سزای بدات".

 

ئەندامانی بزووتنەوەکە جەختیان لە گرنگی هەوڵەکانی کۆمەڵگەی نێودەوڵەتی بۆ ئازادکردنی ژنە زیندانییەکان و ڕۆژنامەنووسان و چالاکوانانی مافی مرۆڤ لە زیندانە ترسناکەکانی تاڵیبان کردەوە و ڕایانگەیاند کە جیاکاری ڕەگەزی لە ئەفغانستان کە بە چەندین نموونە سەلمێنراوە، پێویستە لەلایەن کۆمەڵگەی نێودەوڵەتییەوە دانیپێدا بنرێت.