ناوەندی هەواڵ

 

بەرێوەبەری بەرگری شارستانی کۆیە ڕایگەیاند، پاش نیوەڕۆی ئەمڕۆ خێزانێکی خەڵکی چەمچەماڵ بۆ گەشت سەردانی زێی بچووکیان کردووە، منداڵە تەمەن هەشت ساڵانەکەیان کەوتە ناو ئاوەکە و خنکا.

 

گۆران ئەحمەد، بەرێوبەری بەرگری شارستانی كۆیە ئاماژەی بەوەشکرد، پاش نیوەڕۆی ئەمڕۆ كاتژمێر ٣:٣٠ خولەک منداڵێكی كوڕ تەمەن هەشت ساڵان کەوتووەتە ناو ئاوی زێی بچوك خنكا.

 

باسی لەوەشکرد، ئەو خێزانە کە دایک و باوک و منداڵەكە بوون بچوك بۆ گەشت كردن هاتوونەتە سەر زێی بچووک، ، منداڵەكە بۆ ماوەیەک لێی بێئاگا دەبن و دەکەوێتە ناو زێی بچوك و دەخنکێت، خێزەنەکە خەڵكی چەمچەماڵن.

 

تا ئێستا و تیمەكانی بەرگری شارستانی بەردەوامن لە گەران بەدوای تەرمی ئەو منداڵە هەشت ساڵانە، لە سەرەتای ئەمساڵەوە لە سنوری شارۆچکەی كۆیە ئەمە چوارەم حاڵەتی خنكانە تۆمار بکرێت .