ناوەندی هەواڵ

 

شادییە ماناپ، لە زیندانی ژنانی گەبزە دەستگیرکرابوو، دوای ٣٠ ساڵ لە ١ی کانوونی یەکەمدا ئازاد کرا، بەڵام بە بیانووی "ئەندامێتی لە ڕێکخراوێکدا" و بەهۆی ئەو لێکۆڵینەوەیەی کە لە ساڵی ٢٠٢٠ لەسەری کرایەوە، پێش ئەوەی ئازادیی جەستەیی بەدەستبهێنێت، لە ٥ی کانوونی یەکەمدا دەستگیر کرایەوە.

 

شادییە بۆ ماوەی ٤ ڕۆژ لە بەشی پۆلیسی پارێزگای کۆجائەلی دەستبەسەر کرابوو، دواتر گوازرایەوە بۆ دادگای کۆجائەلی بە داواکاری دەستگیرکردنەوە، بەبێ ئەوەی لێدوانەکەی لە داواکاری گشتی وەربگیرێت، دواتر گوازرایەوە بۆ زیندانی جۆری F لە کاندێرا.

 

زانراوە کە پشکنینی کۆڤید-١٩ بۆ شادییە ماناپ کراوە، لە لە زیندانی کاندێرا ڕاگیراوە، ئەنجامەکەشی پۆزەتیڤ دەرچووە و لە ئێستادا لە بەشی کەرەنتینە ڕاگیراوە.