ناوەندی هەواڵ

 

بەپێی "ڕاپۆرتی مرۆیی" ناوەندی هاوبەشی هەماهەنگی قەرانەکانی هەرێمی کوردستان، ٩٢٧ هەزار و ٩١٠ ئاوارە و پەنابەری ناوخۆ و دەرەوە لە هەرێمی کوردستاندا بوونی هەیە.

 

بەپێی ئەو ئامارەی لە ڕاپۆرتەکەدا بڵاوکراوەتەوە لەو ژمارە پەنابەرە ٦٦٦ هەزار و ٩٥٨ کەسیان ئاوارەی ناوخۆن و ٢٤٠ هەزار و ٧٩٤'یان پەنابەری سورین، ٨،٦٦١ پەنابەر لە تورکیا، ١٠ هەزار و ٦٦٩ پەنابەر لە ئێرانەوە هاتوون، هەروەها هەرێمی کوردستان ٧٤٦ پەنابەری فەڵەستینی، ٨٢ پەنابەری دیکەی وڵاتانی جیهانی لەخۆگرتووە.

 

ژمارەی کامپەکانی هەرێمیش کە ٢٧٪ی ئاوارەکانی تێدا دەژین ٣٦ کامپە، لە ٩٢٧ هەزار و ٩١٠ ئاوارە و پەنابەر ٧٣٪یان لە دەرەوەی کامپەکاندا دەژین.

بە پلەی یەکەم دهۆک دێت کە ٢١ کامپی تێدایە، دوا بەدوای ئەوە هەولێر بە ١٠ کامپ و لە سلێمانی ٥ کامپی ئاوارە و پەنابەرانی لێیە.

 

 

لە کۆی ئەو ژمارەیەش ١١٩ پەنابەر گەڕاونەتەوە شوێنی خۆیان و ٣٢٦١ ئاوارەی ناوخۆش چوونەتەوە زێدی خۆیان.

 

دابەشبوونیشیان بەم شێوەیەیە:

پارێزگای هەولێر، ٤١٪

پارێزگای دهۆک، ٤٠٪

 پارێزگای سلێمانی ١٩٪

 

ت.پ