ناوەندی هەواڵ

 

لە ئەڵمانیا ساڵی ڕابردوو حاڵەتەکانی توندوتیژی خێزانی بە ڕێژەی ٪٩.٤ زیادی کردووە، بەو پێیەی لە ساڵی ٢٠٢٢دا ١٥٧ هەزار و ٥٥٠ حاڵەتی توندوتیژی خێزانی دەستنیشانکراون،  ئەم ڕێژەیە بە واتای ٤٣٢ ڕووداوی توندوتیژی لە ڕۆژێکدا دێت.

 

٪٧٨ی توندوتیژی خێزانی لەلایەن پیاوانەوە ئەنجام دەدرێت

بەپێی هەواڵی ڕۆژنامەوانی ئەڵمانیا، بەپێی داتاکانی دەزگای ئاسایشی فیدراڵی- BKA، ٪٨٠ی توندوتیژی خێزانی دژی ژنان ئەنجامدەدرێت و ٪٧٨ی تاوانبارانیش پیاون، ٪٤٠ی توندوتیژی دژی ژنان لەلایەن هاوژینی پێشوو و ٪٦٠ لەلایەن هاوڕێی پیاوانەوەیە، لە ساڵی ٢٠٢١دا ژمارەی ڕووداوەکانی توندوتیژی خێزانی ١٤٤ هەزار و ٤٤ ڕووداو بووە.

 

وەزیری ناوخۆ داوای کرد ڕێوشوێنی توند بگیرێتەبەر

نانسی فایزەر، وەزیری ناوخۆی ئەڵمانیا، داوای کرد ڕێوشوێنی توندتر لە دژی توندوتیژی خێزانی بگیرێتەبەر، وەزیری پارتی سۆسیال دیموکراتیش لە لێدوانێکیدا بۆ ڕۆژنامە هەرێمییەکان ڕایگەیاند، "با ئەنجامدەرانی توندوتیژی بە خێرایی نەمێنن، پێویستە دوای یەکەم توندوتیژی دەستبەجێ لە ماڵەوە دووربخرێنەوە".

 

نانسی فایزەر ڕایگەیاند کە پێویستە بە توندی چاودێری کارەکان بکرێت بۆ ئەوەی ڕێگری لە گەڕانەوەیان بکرێت و وتی: پێویستە هەموو قوربانییەکی توندوتیژی هەست بە سەلامەتی بکات کە جارێکی دیکە تووشی توندوتیژی نابن.

 

"بۆ زاڵبوون بەسەر بێدەنگیدا، دەبێت هاوکار بن"

نانسی فایزەر داوای لە ژنان کرد تاوانباران ئاشکرا بکەن و وتی: نابێت هیچ ژنێک شەرم بکات لە ئاشکراکردنی تاوانبارانی توندوتیژی، دەبێت هاوکار بین لە بێدەنگکردنی ئەم بابەتە، توندوتیژی دژی ژنان کێشەی ژن نییە، بۆیە پێویستە وەک چارەسەرێک مامەڵەی لەگەڵدا بکرێت لە ئاستی گشتی و وەک چارەنووسێکی کەسی سەیر ناکرێت.