سلێمانی

هاوپەیمانی ژنانی کوردستان کە لە کۆتایی ساڵی ٢٠٢١ ڕاگەیەندرا، پێکهاتووە لە زۆربەی ڕێکخراوەکانی ژنانی کوردستان و چەندین ژنانی چالاکوان و ئەکادیمی کە تایبەتمەندن لە بواری جیاوازدا، لەسەر ئاستی هەرێمی کوردستان لە ماوەی دوو ساڵ ئامادەکاری بۆ ڕێکخستنی خۆی کردووە.

هاوپەیمانیەتییەکە لە ڕۆژانی ٢٠ و ٢١ی کانوونی دوومی ٢٠٢٣، کۆبوونەوەی وەرزی ئاسایی خۆی لە ئۆفیسی رێکخراوی گەشەپێدانی مەدەنی "CDO"، لە شاری سلێمانی ئەنجامدا.

لەم کۆبوونەوەیەدا گفتوگۆ دەربارەی بارودۆخی ئێستای ژنانی کوردستان و دەرفەت و بەربەستەکانی بەردەم بزوتنەوەی ژنان لە کوردستان کرا لەسەر ڕۆشنایی دەرئەنجامی گتوگۆکان بەرنامە و پلانی کارکردنی خۆی بۆ ئەمساڵ داڕشت.

ئاماژە بەوەکرا کە هاوپەیمانی ژنانی کوردستان جەخت لەسەر "هێنانەدی کوردستانێکی پێشکەوتوو و دیموکراسی و مەدەنی دەکاتەوە کە تێیدا یەکسانیی جێندەر فەراهەم بێت، مافە مەدەنییەکانی سەرجەم تاکەکانی پاریزراو بێت".