ناوەندی هەواڵ

 

٩ی ئایار، لە ناوچەی ئارتەمێنتی شاری وانی باکوری کوردستان، مەقبولە ئۆزەری ٨٠ ساڵ کە بەپێی ڕاپۆرتی پزیشکی ٪٥٧ خاوەن پێداویستی تایبەتە و لە منداڵییەوە وەهایە، لەگەڵ هاوژینە ٧٨ ساڵەکەیدا لەلایەن دەوڵەتی تورکیاوە بە بیانووی "هاوکاری ڕێکخراوی تیرۆریستی" بە دوو ساڵ و ٦ مانگ سزای زیندانی دران.

 

مەقبولە ئۆزەر بەهۆی زۆریی تەمەن و نەخۆشییەکانی و ٪٥٧ی ڕێژەی خاوەن پێداویستی تایبەتییەکەیەوە پارێزەرەکانی داوایانکردووە لە زیندان ئازاد بکرێت، چونکە توانای مانەوە و پێڕاگەیشتن بە خۆی لە زینداندا نییە، بەڵام لیژنەى نەخۆشخانەى فێرکاریی وان لە ژێر ڕێنمایی دەزگا ئەمنییەکانی دەوڵەتى تورکیادا، ڕاپۆرتێکیان لەسەر دۆخی تەندروستی مەقبولە ئامادەکرد و نووسییان "دەتوانێت لە زینداندا بمێنێتەوە" و بەو هۆیەوە لە زیندان ئازاد نەکرا.