زەینەب عیسا

 

قامیشلۆ-٢٠ی ئایاری ئەمساڵ دووەمین ساڵڕۆژی بڵاوبوونەوەی گۆڤاری دوو مانگانەی "آفاق المرأة"، گۆڤارێک کە تیشک دەخاتەسەر پرسە هزری و سیاسی و کولتوورییەکان، بە زمانی عەرەبی.

 

دیلان عوسمان، سەرنووسەری گۆڤاری "آفاق المرأة"، پیرۆزبایی دووەمین ساڵیادی گۆڤارەکەی لە ژنان کرد. ئاماژەی بەوەشکرد، ژمارەی سێزدەیەممان بڵاوکردۆتەوە، کە تەنها دەرئەنجامی کار و هەوڵی ستافەکەمان نییە، بەڵکو کار و هەوڵی زۆرێک لە ژنانیشە کە ئاواتەخوازن بە قەڵەمی بێبەرامبەریان بەشداری لە بڵاوکردنەوەی ئەو ژمارانەدا بکەن. "بەم بۆنەیەوە پیرۆزبایی لە هەموو ئازادیخوازان دەکەین، هەروەها پیرۆزبایی لە تەڤگەری ژنان دەکەین کە پاڵپشتییەکی بەرچاویان لەم گۆڤارە کردووە.

 

دیلان عوسمان ئاماژەی بە کار و هەوڵەکانی گۆڤارەکە لە ماوەی دوو ساڵی ڕابردوودا کرد، ئەو سەختییانەی ڕووبەڕووی بووەوە، وتی: لێرەدا دەچینە ناو ساڵی سێیەمی خۆمانەوە، دوای بڵاوکردنەوەی ١٣ ژمارە لە باکوور و ڕۆژهەڵاتی سووریا. لە ئێستادا ئامادەکاری بۆ ژمارەی چواردەهەمین دەکەین کە هەمووی گرنگە، ڕووبەڕووی چەندین ئاڵەنگاری بووینەوە، بەتایبەتی کە ناوچەکەمان بە چەندین ئاڵەنگاریدا تێدەپەڕێت، هەروەها وەک تیم و ستافی گۆڤارەکە، ڕووبەڕووی ئەو ئاڵەنگاریانە بووینەوە، گۆڤاری آفاق المرأة جێگەی خۆی گرتووە، بەرپرسیارێتی خۆی لە شان گرتووە لە بڵاوکردنەوەی پەیامی گۆڤارەکە، بەرپرسیارێتی بڵاوکردنەوەی پەیامی شۆڕشی ڕۆژئاوای لە ئەستۆ گرت.

 

وتیشی: هەرچەندە ناوچەکە بە قۆناغێکی زۆر سەختدا تێپەڕیبوو، بەڵام گۆڤارەکە بەردەوام بوو لە چاپکردن، دوو ساڵ کاتێکی زۆر نییە، بەڵام کاتێک سەیری ئەو ئەنجامانە دەکەین کە گۆڤارەکە بەدەستی هێناوە، بۆمان دەردەکەوێت کە ئەوە بەرپرسیارێتییەکی زۆر گەورەیە، لە بەشە سیاسی و ڕۆشنبیری و کۆمەڵایەتییەکان پێکهاتووە. مامەڵەکردن لەگەڵ ئەو دەستکەوتانە، واتە ئەو پرسانەی پەیوەستن بە بواری سیاسی و ڕۆشنبیری و کۆمەڵایەتییەوە، سەختی خۆی هەبووە. ئەزموونی ناوچەی باکوور و ڕۆژهەڵاتی سووریا، کە لە ڕێگەی کار و هەوڵی ژنانەوە بەدەست هات، سیستەمێکی دیموکراتی لە ناوچەکەدا دامەزرا، گەیشتن بە ژنان لە هەموو جیهان لە ڕێگەی گۆڤارەکەوە سەرکەوتووە، تەنانەت ئەگەر ئاڵەنگاری و سەختی خۆیشی هەبێت.

 

"دەرگای گۆڤارەکە هەمیشە کراوەیە بۆ ژنان"

دیلان عوسمان سەرنجی بۆ کاریگەرییەکانی گۆڤاری "آفاق المرأة" لەسەر ژنان لە ڕۆژهەڵاتی ناوەڕاست ڕاکێشا. وتی: هۆکاری خستنەگەڕی گۆڤارەکە ئاستی زانستی ژنان بوو لە باکوور و ڕۆژهەڵاتی سووریا، ئامانجیش ئەوە بوو کە بیرۆکە ئازادەکان تەنها لە ناوچەیەکدا سنوردار نەبن، بەڵکو بتوانن بە هەموو ژنانی عەرەبی زمان بگات، ئەزموونەکانیان لەگەڵ ژنان لە ڕۆژهەڵاتی ناوەڕاستدا بەیەکەوە باس بکەن.

 

ئاماژەی بەوەشکرد، هەریەک لە ١٣ بابەتەکە پرسی تایبەتیان خستۆتەڕوو، ئەمە کاریگەرییەکی گەورەی هەبوو، بەو پێیەی ژمارەیەکی زۆر لە ژنان سوودی لێوەرگرت، هێشتا ژمارەیەکی زۆر لە ژنان لە ئەوروپا هەن کە داواکاری پێشکەش دەکەن، بۆ ئەوەی پەیوەندی بە ستافی گۆڤارەکەوە بکەن. ئەوان زۆر بە پەرۆشن بۆ ئەو دۆسیانەی کە ئێمە ڕووماڵی دەکەین، بۆیە دەتوانم پشتڕاستی بکەمەوە کە گۆڤارەکە هەمیشە کراوەیە بۆ ژنان".

 

"ئەو ژنانەی کە بۆچوونەکانیان پشتگوێ خرا، ئێستا قسە دەکەن"

سەبارەت بە ڕۆڵی ژنە نووسەران لە باکوور و ڕۆژهەڵاتی سووریا، دیلان عوسمان وتی، “دوای ١٣ ژمارە، دوای ئەوەی گۆڤارەکە بوو بە ئاماژەیەک بۆ ژنان، قەڵەمی ژنانی ئازاد لە باکوور و ڕۆژهەڵاتی سووریا بناغەیەکی زۆر بەهێزی دامەزراندووە، پێشتر ژنانی ناوچەکە گرنگییەکی ئەوتۆیان بە نووسین نەدەدا، ئێستا ژنانی ناوچە ئازادکراوەکان، کە لە تاریکیدا خەریکی لاوازبوون، ئەو ژنانەی کە بۆچوونەکانیان بوو تاڕادەیەکی زۆر پشتگوێ خراوە، لە ڕێگەی گۆڤارەکەوە بە ئازادی دەریدەبڕن ئەمە سەرکەوتنێکی گەورەیە بۆ ئێمە، ژنانی باکوور و ڕۆژهەڵاتی سووریا و ستافی گۆڤاری آفاق المرأة.”

 

"لە ژمارەکانی داهاتوودا پرسی بەهێزتر دەوروژێنین"

دیلان عوسمان جەختی لەوە کردەوە کە بەردەوام دەبن لە هەوڵدان بۆ پێشکەشکردنی بابەتگەلێکی بەهێزتر و کاریگەرتر بۆ خوێنەرانی گۆڤارەکە، "سەبارەت بە ژنانی نووسەر، ئاستی زانستی ژنان لەڕێگەی گۆڤارەکەوە دەبینین، ئەم ئاستە و هۆشیارییە بۆ ناسنامەیان لەڕادەبەدەر بەرزە، ئاستەکەیان هیوامان پێدەبەخشێت. گۆڤارەکە بەردەوام دەبێت لە پەرەسەندن، ئاسۆی ئێستاش هەمیشە ڕۆڵی خۆیان وەک سەرچاوەیەک بۆ بیرۆکەی نەتەوەیەکی دیموکراتی و ڕزگاری ژنان دەگێڕن.

 

هیوای خۆی بۆ پێشکەوتن و سەرکەوتنی زیاتر دەربڕی. ئاماژەی بەوەشکردووە، “ئێمە لەگەڵ نووسەرانمان، بەهێزتر دەبین لەلایەن ئەو ژنانەی کە گۆڤارەکە دەخوێننەوە و شوێنکەوتوون و بۆچوونەکانیان پێشکەش دەکەن، پێشنیار و بۆچوونەکانیان بۆ ئێمە گرنگە، زۆرێک لە ژنان هەوڵیان داوە هاوکارمان بن، بۆیە سڵاو لە هەوڵەکانیان، هەروەها هەوڵەکانی تەڤگەرەکانی ژنان لە میسر و تونس و لوبنان دەنێرین. گۆڤارەکە سنوورە جوگرافییەکانی تێپەڕاندووە، هەروەها وەک تیمێک هەمیشە هەوڵدەدەین نووسینی ژنان و پێشخستنی گەشەپێدانی ژنانی خوێندەوار و ڕۆشنبیر.