سلێمانی

 

ئەمڕۆ ٣٠ی تشرینی دووەم، لە هۆڵی تەوار، لە شاری سلێمانی، لە چوارچێوەی چالاکیەکانی هەڵمەتی ١٦ ڕۆژەی بەرەنگاربوونەوەی توندوتیژی دژی ژنان، پانێڵێک بە ناونیشانی''یەکگرتن لە پێناو بەرەنگاربوونەوەی توندوتیژی ژنان'' لەلایەن لیژنەی هەرێمی کوردستانی هاوپەیمانی نادا، گروپی هونەری خێزان و یەکێتی ژنانی کوردستان، بە بەشداری ژنانی چالاکوان و داکۆکیکار لە مافەکانی مرۆڤ و پێشەنگایەکی کاری دەستڕەنگینی و نمایشکردنی تواناکانی ژنان، پێدانی خەڵاتی ڕێزلێنان، بە بەشداری هەریەک لە پانێڵیستان، ڕۆژگار ئێبراهیم، پارێزەر، مونیرە ئەبوبەکر، سەرۆکی لیژنە لە هاوپەیمانی نادا، ڕاز فریا، لێپرسراوی ڕاگەیاندنی بەڕێوەبەرایەتی بەرەنگاربوونەوەی توندوتیژی دژی ژنان، نیگار مەحەمەد، سەرۆکی پەرستاران، سازیان تالیب، لێپرسراوی ڕاگەیاندن لە یەکێتی ژنانی کوردستان، تیشکیان خستە سەر ئەو کێشەو ئاڵانگاریانەی لە ڕێگەی دیجیتاڵ میدیاوە ڕووبەڕووی ژنان دەبێتەوە،بەڕێوەچوو.  

" ڕێژەی ناچار بە خۆسوتاندن لە ژنانی گەنجدا ڕووی لە ززیادبوون کردووە" 

نیگار مارف، پانێڵیست و سەرۆکی پەرستار لە یەکەی سەرەکی سووتاوی لە هەرێمی کوردستان، لە بارەی ئەنجامدانی پانێڵەکەوە، وتی: لە ١٦ رۆژەی بەرەنگاربوونەوەی توندوتیژی دژی ژنان، من جەخت لە توندوتیژیییەکانی دژی ژنان دەکەم، کاریگەری توندوتیژییەکان لەسەر دەروونی ژنان و دۆخی تەندروستیان دەخەمەڕوو، کە ژنان لە ئەنجامی توندوتیژییەکان ناچار بە خۆکوشتن و خۆ سوتاندن دەبنەوە، کە لەناویدا ژنان ڕوبەڕووی سوتان دەبنەوە، کە لە کۆندا ژنانێک لە تەمەنی ٢٥- ٣٥ کاندا ناچار بە خۆسوتاندن دەکرانەوە، بەڵام لە ئێستادا ژنانی گەنج ڕوبەڕووی ئەو جۆرە توندوتیژییە دەبەنوە، زیاتر باس لەوەدەکەم کە ژنان لە تەمەنی ١٣-١٩ ساڵیدا ناچار بە خۆسووتان دەبنەوە، کەهۆکارەکەی بۆ توندوتیژی تۆڕەکۆمەڵایەتییەکان دەگەڕێتەوە.

 

لە کۆتایی قسەکانیدا وتیشی: لە ئێستادا پێویستمان بە هۆشیارکەدنەوەی تەندروستی هەیە، ئەم پانێڵانە لە ئاستێکی کەمدا دەبیندرێت،بەڵام لە ڕێگەی ڕاگەیاندنەکانەوە دەتوانین ڕایگشتی ئاگاداربکەینەوە بەوەی ژنان لە توندوتیژییەکان بپارێزین، پاشان هۆشیاری لە ناو خوێندنگەکاندا بڵاوبکەینەوە تا ژنانی گەنج هۆشیار و تەندروستبن. 

 

"هەزار ١٠١ توندوتیژی تۆڕەکۆمەڵایەتییەکان هەیە " 

ڕۆژگار ئیبراهیم، پانێڵیست، وتی: لە شەشەمین ڕۆژی بەرەنگاربوونەوەی توندوتیژی دژی ژنان، بە ناونیشانی یەکسانی بۆ بەرەنگاربوونەوەی توندوتیژی دژی ژنان، ئەم پانێڵەمان ئەنجامدا، لە ڕێگەی ئەم پانێڵانەوە دەمانەوەێت هۆشیاری تاک بڵاوبکەینەوە، کە دەزانین ئامارەکانی توندوتیژی و کوشتنەکان سەرەڕای ئەوەی بە شاراوەیی ماونەتەوە بەڵام لە هەڵکشاندان، سەرەڕای ئەوەی یاسای بەرکار هەیە لە هەرێمی کوردستاندا، یاساکان ڕۆڵیان لە کەمکردنەوەدا هەیەم بەڵام کوشتنەکانیش ڕوو لە زیادبونە، پێویستە ڕێکخراوەکان هەنگاوی گرنگ بۆ ڕبوبەڕووبونەوەی توندوتیژییەکان بنێن، ئێمەی چالاکوانان دەبێت چالاکییەکانمان بەردەوامبێت. 

 

لە کۆتایی قسەکانیدا ویشی: پێویستە حکومەتی هەرێمی کوردستان کار لەسەر یاساکان بکات، لە دادگاکاندا کاری پێبکرێت، پاشان ڕەوتی لێکۆڵینەوە لە دادگاکاندا دورودرێژ نەکرێنەوە، تا هاوڵاتیان و ژنان بێزار نەبن و شکاتەکانیان ڕانەوەستێنن، بێمتمانەی دادگاکان دروستنەبێت، هەروەها توندوتیژی سۆسیاڵمیدیا لە ئێستادا زیادی کردووە، کە تەنها لەمساڵدا هەزار و ١٠١ تەوندوتیژی لە ئاسایشی سلێمانیدا سکاڵای توندوتیژی ئەلکترۆنی بڵاوکراوەتەوە، سۆشیاڵمیدیا لە ئێستدا گەوروەترین توندوتیژی بەرامبەر ژنا دەکات، پێویستە ڕابگیرێت.