چالاکوانانی تونس جەخت لەوە دەکەنەوە کە پێویستە هاوکاری ژنان لە سەرانسەری جیهاندا بکرێت
ژنانی تونسی ئەو تاوان و هێرشانە شەرمەزار دەکەن کە منداڵان و ژنانیان لەبەردەم جیهاندا کردووەتە ئامانج و جەختیان لەوە کردەوە، پێویستە بە زووترین کات چارەسەر بدۆزرێتەوە و شەڕ لە کەرتی غەززە بوەستێندرێت.
زهور مەشریقی
تونس- ڕۆژی ٢١ی تشرینی یەکەم، تونس خۆپیشاندانێکی بە پێشەنگایەتی ژنان ئەنجامدا بۆ شەرمەزارکردنی پێشێلکردنی مافەکانی گەلی فەڵەستین بۆ ماوەی ٧٥ ساڵ و هێرشە چڕەکان بۆ سەر هاوڵاتیانی مەدەنی لە ٧ی ئەم مانگەوە کە بە "کۆمەڵکوژی" وەسف کرا.
ژنانی بەشداربوو لە خۆپیشاندانە گشتییەکەدا ڕێککەوتن لەسەر گرنگی هاوکاری فێمێنیستی سنوور بۆ کەمکردنەوەی پێشێلکارییەکان دژی فەڵەستینییەکان لەلایەن ئیسڕائیلەوە کە ژنان زۆرترین زیانیان بەرکەوتووە.
"ژنانی فەڵەستین یەکەم کەسن زیانیان بەرکەوتووە"
ئیکرام تونسی، سکرتێری گشتی یەکێتی کرێکارانی تونس کە بەرپرسیارە لە ژنان، وتی: هەڵوێستی هەرێمی سەبارەت بە شەڕی فەڵەستین شەرمەزارییە و ئازارەکانی ئەو خەڵکەی کە ڕووبەڕووی قڕکردن و ئاوارەبوونی بەزۆر و نادادپەروەری و توندوتیژی دەبنەوە و ژنانی فەڵەستینی یەکەم کەسن کە بەهۆی ئەزموونی وڵاتەکەیانەوە زیانیان بەرکەوتووە.
ئاماژەی بەوەشکردووە، ژنان لە فەڵەستین بێ یارمەتی بوون و تەنانەت ناتوانن خۆراک بۆ منداڵەکانیان دابین بکەن، ئەو گرتە ڤیدیۆیەی کە لە تۆڕە کۆمەڵایەتییەکاندا بڵاوکراوەتەوە، ئاماژە بەوە دەکات کە دایکێک بە شێوەیەکی هەستیارەوە دەگری و هاوار دەکات کاتێک هەواڵی کوشتنی منداڵەکانی دەبیستێت و دەڵێت "منداڵەکان بەبێ خواردن مردن"، ئەو دایکە زۆر کاریگەری لەسەر من کردووە، وەک دایکێک و ژنێک، سادەترین شت کە دەتوانین پێشکەشی بکەین ئەوەیە کە دژی هێرشی هەڕەمەکی ئیسرائیل خۆپیشاندان بکەین، هەروەها بۆ هەموو ئەو ژنانەی کە ڕووبەڕووی تاڵی جەنگ و برسێتی و کوشتن بوونەتەوە لە ناوچە جیاجیاکانی ململانێدا، پشتیوانی خۆمانیان پێشکەش دەکەین و دەڵێین لەگەڵیانین.
"ژنانی فەڵەستین هێمای ئاشتیین"
لوبنا بەجاوی، چالاکوانی مەدەنی ڕوونیکردەوە، ژنان لە فەلەستین بۆ دەیان ساڵە مێژوویان دروستکردووە سەرەڕای سەرکوتکردن و ئاوارەبوون و پەراوێزخستن، هەروەها تیشکیان خستە سەر جێگیربوونی خۆیان لە بەرامبەر داگیرکاریدا و خاکەکەیان بەجێنەهێشتووە، ئارام بگرن و بجەنگن، ئێوە هێمای ئاشتیین، سەرچاوەی سەرهەڵدانی خەڵکی ئازادی فەڵەستینن و زاڵ دەبن بەسەر ئازاردا.
مەنال بن قەدارە، چالاکوانی مەدەنی، جەختی لەوە کردەوە نزیکەی هەموو ڕۆژێک شایەتحاڵەکانی تونس خۆپیشاندان دەکەن بۆ پشتیوانیکردنی خەڵکی فەڵەستین، ناکرێت بیر لە ئازارەکانی ژنانی فەڵەستینی نەکرێتەوە، ژنان سەرەڕای ئەو تراژیدیایانە، پەیوەندی خۆی بە خاک و ناسنامەکەیەوە نیشان داوە کە داگیرکەر دەیەوێت لەناوی ببات و لەدەستی بدات.
ئاماژەی بەوەشکردووە، لە ماوەی ٧٥ ساڵی ڕابردوودا ژنانی فەڵەستینی خەباتیان کردووە و بیریان لە جێهێشتنی خاک نەکردۆتەوە و هەوڵیان داوە لە وڵاتێکی بڵاو و ڕێگەپێدراودا بژین، جەنگێکی میدیایی هەیە لەلایەن ڕۆژئاوای لایەنگری ئیسرائیلەوە، سنووردارکردنی بەکارهێنەرانی ئینتەرنێت و سڕینەوەی ئەو هەژمارانەی کە پشتگیری لە گەلی فەڵەستین دەکەن و پێشێلکارییەکانی دوژمن ئاشکرا دەکەن، بەڵام ئەم سنووردارکردنانە هاندەرێک بوون بۆ یەکگرتوویی و فشار لە میدیاکاندا بۆ پشتیوانیکردنی فەڵەستین.
لە لایەکی دیکەوە عایشە جەریبی، چالاکوانی مەدەنی وتی: ژنان لە فەڵەستین گەیشتوونەتە قۆناغی بوونی ٦ منداڵ و دەڵێن بەلایەنی کەمەوە سێیان دیارین بۆ وڵاتەکە، لە بەدیهێنانی خۆشەویستی سەربەخۆیی و ئەو نیشتمانەی کە تێیدا هیچ ڕێککەوتنێک ناکەن، پشتیوانی ژنان و هەر فەڵەستینییەک دەکەین کە نیشتمانیان هەڵبژاردووە نەک ڕاکردن و ملکەچبوون.
جەختیشی کردەوە لەسەر گرنگی و پێویستی هاوکاری ژنان لە هەموو بەشەکانی جیهاندا بۆ فشارخستنە سەر کۆمەڵگەی نێودەوڵەتی و هەنگاونان بەرەو چارەسەر.