ناوەندی هەواڵ

 

لە شارۆچکەی پیچۆر، کە دەکەوێتە سنووری پارێزگای شیڤپوریی ویلایەتی مادیا پرادێشی هیندستان، لە کاتی ئەنجامدانی تاقیکردنەوەی بەکالۆریۆسدا، پیاوێک دەچێتە هۆڵی تاقیکردنەوەی هاوژینەکەی و تێنووسی وەڵامەکانی دەدڕێنێت و هاوار دەکات “من نامەوێت ژنکەم خوێندەوار بێت و خاوەن بڕوانامە بێت”، پاشان بەرەو شوێنێکی نادیار هەڵدێت.

 

گرتە ڤیدیۆیەکە لە ٣ی ئەیلوولدا لە تۆڕە کۆمەڵایەتییەکان بڵاو بووەتەوە و ناڕەزایەتی بەرفراوانیشی لێکەوتەوە، کە تیایدا دەرکەوتووە، تێنووسی وەڵامەکان بە پارچەکراویی لە بەردەستی ژنەکە دایە و باس لەو نەهامەتیانە دەکات کە بەهۆی، ئەو پیاوەی هاوسەرگیری لەگەڵ کردووە، ڕووبەڕووی دەبێتەوە، ژنەکە قۆناغی سێیەمی کۆلێژی هونەرە، بەڵام پیاوەکە بەردەوام دژایەتی کردووە و ڕێگەی نەداوە بە ئازادیی هەوڵی بەدەستهێنانی بڕوانامەکەی بدات.