ناوەندی هەواڵ

 

ئەنجومەنی دایکانی ئاشتی لە ماردین دژی دەستگیرکردنی دایکی ئاشتی بەهیە یالچین و ٦ ژنی دیکە لە ئیزمیر و سووتاندنی ئینفازی دایکی ئاشتی هانسە بولوت لە چالاکییەکیان ڕێکخست و لە بەیاننامەیەکدا لە ناوچەی قەزای ئارتوکلو و نسێبین داوای ئازادکردنی دەستبەجێی دایکان دەکەن.

 

بەسنا گونەی، دایکی ئاشتی لە بەردەم بینای پارتی دیموکراتی گەلان-هەدەپە لە ئارتوکلو بەیاننامەی دایکانی ئاشتی خوێندەوە و وتی: ئێمە دایکی یەکسانی و مرۆڤایەتین، بەڵام دەستی ئەم دایکانە کەلەپچە دەکرێن و دەخرێنە زیندانەکانەوە، ئێمە ئەمە قبوڵ ناکەین و ئیدانەی دەکەین. بۆ ڕێگریکردن لە خوێنڕشتن ڕۆیشتین و نامانەوێت دایکان کەلەپچە و دەستگیر بکرێن، داوا دەکەین دایکانی زیندانیکراویش ئازاد بکرێن.

 

"دایکەکان بۆ ئاشتی تێدەکۆشن"

پەریهان ئاتوگ، ئەندامی دایکانی ئاشتی لە بەیاننامەیەکدا کە لەبەردەم ڕێکخراوی هەدەپەی نسێبیندا خوێندرایەوە وتی: دەمانەوێت دایکە دەستگیرکراوەکان دەستبەجێ ئازاد بکرێن، دایکان شەڕیان ناوێت و شەڕی ئاشتی دەکەن، هەرچییەک ڕووبدات، دەستبەرداری ئارەزووی ئاشتی و دیموکراسی نابین، پێویستە دەستبەجێ دایکانمان ئازاد بکرێن، ئێمە قبوڵ ناکەین کە دایکانمان دەستگیر و دەستبەسەر بکرێن.

 

دایکی ئاشتی، ئەمینە کۆچ لە لێدوانێکیدا ڕایگەیاند، ئەوان دەیانەوێت داواکارییەکانیان بۆ ئاشتی لەبری دەستگیرکردن جێبەجێ بکرێت.