ناوەندی هەواڵ

 

ئەمڕۆ، ٣ی تشرینی یەکەم کۆمەڵێک لە زیندانیانی سیاسی ژن کە لە بەندیخانەی ئێڤین زیندانی کراون، بەیاننامەیەکیان بۆ پشتیوانی لە ڕاپەڕینی سەرتاسەری ئێران بڵاوکردەوە و ڕایانگەیاند کە ناڕەزایەتیان بەرامبەر بە کوشتن و توندوتیژی و دەستبەسەرکردن و ئەشکەنجەدانی بەربڵاوی خۆپیشاندەران و پشتیوانی لە مانگرتن و گردبوونەوە جەماوەرییەکان دەردەبڕن و لە زیندانی ئێڤین و لە پشت پەنجەرەی ئاسنینەوە مانگرتن ڕادەگەیەنین.

 

دەقی بەیاننامەی ژنە زیندانیانی سیاسی لە زیندانی ئێڤین؛

زەحمەتە لە پشت دیوارە بەرز و ساردەکانی زیندانەوە گوێ لە هاواری ناڕەزایی خەڵک و خوێنڕشتنی گەنجان و قوتابیانی خاکەکەمان و گرتنی خۆپیشاندەران ببیسترێت چونکە مردن قورسە. دڵ و هاوارمان هەموو ساتێک لەگەڵ دڵ و گریانی خەڵکە، ئێمە بە تامەزرۆییەوە هیوادارین ئەم دیوارانە بکەون و لە حاڵەتی ئازادیدا بێ گومان لە ناوەڕاستی شەپۆلێکی بەهێز و قیژەی ناڕەزایەتیدا بین و شان بە شانی ستەملێکراوان بین.

 

بۆ ژنان، بۆ گەنجان، بۆ قوتابیان، بۆ خوێندکاران، بۆ کرێکاران، بۆ مامۆستایان، بۆ ناڕازییەکان، بۆ خزم و کەسوکار، بۆ کەمینەکان، بۆ مردووەکان، و بۆ بەدیهێنانی ئازادی و دادپەروەری، ئێمە لەگەڵ خەڵکی خاکەکەماندا پەیوەندیمان کردووە، ئێستا لەم زیندانەدا، لەناو کۆمەڵگەی ئەو کەسانەی ڕاپەڕیون، وەک ناڕەزایەتییەک بەرامبەر بە کوشتن و توندوتیژی و دەستگیرکردن و ئەشکەنجەدانی بەربڵاوی خۆپیشاندەران و پشتیوانیکردن لە مانگرتن و گردبوونەوەی شەقامەکان، ئەمڕۆ، ٣ی تشرینی یەکەم لە زیندانی ژنانی ئێڤین، لەپشت سیاجی دیوارەکان و پشت پەنجەرە ئاسنییەکانەوە مانگرتن ڕادەگەیەنین.