ناوەندی هەواڵ

 

دوانیوەڕۆی ئەمڕۆ، لەسەر قەڵای شێروانە لە شارۆچکەی کەلاری ئیدارەی گەرمیان، ئەنجومەنی باڵای خانمان هەڵمەتی ١٦ ڕۆژەی بەرەنگاربوونەوەی توندوتیژی دژی ژنان بەبۆنەی ۲٥ی نۆڤەمبەر/تشرینی دووەم ئەنجامدانی چەند چالاکیەکەی ڕاگەیاند.

 

هەیفا مەجید، ئەندامی ئەنجومەنی باڵای خانمان لە گەرمیان، لە کۆنگرەیەکی ڕۆژنامەوانیدا، ڕایگەیاند: سەرەتای هەڵمەتەکە لە شارۆچکەی چۆمان، وەک شارۆچکەیەک کە کەمترین ڕێژەی توندوتیژی دژی ژنانی تێدا ئەنجامدراوە ڕاگەیەنجرا و لە کەلاریش بە  هەڵکردنی گڵوپ و ئاڵای پرتەقاڵی لەسەر قەڵای شێروانە، هاوشێوەی پارێزگا و ئیدارە سەربەخۆکانی تر، بڕیارە لە بەرزترین شوێن چالاکییەکانیان دەستپێبکەن.

 

وتیشی: لەم هەڵمەتەدا داوا لە مامۆستایانی ئاینی دەکەین، لە ڕێگەی مینبەری مزگەوتەکانیانەوە لە بارەی توندوتیژی دژی ژنان قسە بکەن و هەوڵەکانی خۆیان بۆ کەمکردنەوەی توندوتیژی بخەنەگەڕ.