تەوار پێنجوێنی

 

بەیروت- ئیلهام ئەحمەد، سەرۆکی جێبەجێکاری ئەنجوومەنی سوریای دیموکراتیک، لە پەراوێزی کۆنفرانسی هەرێمی ژنان لە بەیروتی پایتەختی لوبنان ڕایگەیاند کە کۆنفرانسەکە بە باشی ڕێکخرابوو و وتی: بەشدارییەکی بەرفراوان لە وڵاتانی جیاجیای ڕۆژهەڵاتی ناوەڕاستەوە هەبوو، گفتوگۆی گەرم لەسەر ژنانی هەر وڵاتێک و بارودۆخیان و چۆنیەتی ژیانیان کرا، جگە لەوەش چەند کێشە هەیە و چارەسەر چییە، قەیرانەکانی ئێستا چۆن چارەسەر دەکرێن؟ ئەو نموونانەی لە باکوور و ڕۆژهەڵاتی سوریا هەن، ئەزمونی ژنان و ڕێکخستن و ئازادی تا ئاستێک بوونیان هەیە و ئەمەش وەک مۆدێلێکی جێی سەرنج باس کرا.

 

لە درێژەی قسەکانیدا، ئیلهام ئەحمەد وتی: پرسیاری گرنگ لەبارەی ئەزمونی ڕۆژئاوای کوردستان و خۆبەڕێوەبەرییەکەیەوە کرا، کە چۆن ژنان بتوانن پەیڕەوی بکەن، ئەو ژنانەی لە وڵاتانی دیکەن، ئەو ژنانەی لە سوریان، چۆن دەتوانن لەم مۆدێلە فێربن و بیکەن بە کردەیی، لەم بارەیەشەوە گفتوگۆی گرنگ ئەنجام درا.

 

بە گوتەی ئیلهام ئەحمەد، ئەو پارادایمەی کە پڕۆژەی نەتەوەی دیموکراتیک لەسەری بنیادنراوە، یەکێک بوو لەو پرسانەی دیکە کە لە کۆنفرانسەکەدا وروژێنرا و وتیشی: دۆخی گۆشەگیری توندی ڕێبەر ئاپۆ و هەڵوێستی ژنان لەوبارەیەوە دەبێت چی بێت، گفتوگۆی لێوەکرا، جەختکرایەوە، ڕێبەر ئاپۆ پارادایمێکی نوێی هەیە، پڕۆژەیەکی بۆ ڕزگاری ژنان خستووەتەڕوو، هزر و هۆشیاری خستووەتە پێش، هەر لەبەر ئەم هۆکارەش ​​پێویستە پشتگیری لەم هزرە بکرێت، لەسەر بنەمای ئەمەش بڕیار درا و پێشنیار کرا، هەروەها کۆی کۆنفرانسەکە دەوڵەمەند بوو و بە پرسیار و هەڵسەنگاندن و خستنەڕووی چارەسەری.

 

سەبارەت بە گفتوگۆ لەبارەی ژنانی شەنگال، ئیلهام ئەحمەد وتی: ژنانی شەنگال و ژنانی ئێزیدی کۆمەڵکوژ کران، لە کۆنفرانسەکەدا ئەزمونەی بەرخۆدان و خۆپاراستن و بنیادنانی ئەزموونی خۆبەڕێوەبەری گرنگییەکی تایبەتی پێدرا، هەروەها لەم کۆنفرانسەدا پرسی ژنانی ئەفغانستان تاوتوێ کرا، ئەو ئەزموونەی کە لە ئەفغانستان هەیە بۆ چەند ساڵێک ئازادی بەدەستهاتبوو، دوای ئەوەی دەسەڵاتی دەرەکی دەستبەرداری وڵاتی ئەفغانستان بوو، ئەم ئەزموونە چۆن لەناو دەچێت، دەبێت لێوەی فێر بین، لەناو دەچێت و ئێمەش دەبێت لێی فێربین، پێویستە خۆمان بۆ هێز و ئیرادەی خۆمان جێبهێڵین، لەسەر ئەم بنەمایە، پێویستە ژنان جارێکی دیکە ئەو ئازارە ئەزموون نەکەینەوە کە ژنانی ئەفغانی تووشی بوون، بۆیە پێویستە پشت بە خۆمان ببەستین.

 

لە کۆتایی قسەکانیدا سەبارەت بە ژنانی ئەفغانستان وتی: ساڵانێک بوو ژنان لە زۆر دامەزراوەدا جێگەی خۆیان گرتبوو، دەرفەتێکی گەورەیان بۆ ڕەخسابوو، لەناکاو کاتێک ئەمریکا لەوێ کشایەوە و تاڵیبان هەموو ئەو مافانەی کردە ئامانج کە ژنان بەدەستیان هێنابوو، بەڕاستی ئەزموونێکی پڕ لە ئازار بوو بۆ هەموومان، ئێستاش پێویستە ژنان خۆیان بە ڕێکخستن بکەن.