ناوەندی هەواڵ

 

كۆئه‌ندامی به‌رگری‌ پێكهاتوه‌ له‌ چه‌ندین خانه‌، شانه‌، ئه‌ندام و پرۆتین.. كه‌ دژی باكتریا، ڤایرۆس و كه‌ڕوw ده‌جه‌نگێت، ئه‌وه‌نده‌ هه‌ستیار و به‌ توانایه،‌ ده‌زانێت كام خانه‌ یان چ ته‌نێكی بێگانه‌‌ له‌ له‌شدایه‌، له‌سه‌ر ڕووپۆشی ده‌ره‌وه‌ی خانه‌كانی كۆئه‌ندامی به‌رگری، ئه‌نتیجێن هه‌یە، كه‌ ڕۆڵی ناسینه‌وه‌ی دۆست و دوژمنی هه‌یه‌، هاوكات بڕیار ده‌ده‌ن، شه‌ڕی له‌گه‌ڵ بكه‌ن یان وازی لێبهێنن.

 

چەند نیشانەیەك دەری دەخات سیستمی بەرگری لەش لاوازە:

-زوو زوو نەخۆش کەوتن و تووشی پەتا و هەڵامەت بوون، ئەمەش واتای ئەوەیە سیستمی بەرگری باش كار ناكات.

 

-شەكەتی بەردەوام و هەستكردن بە لاوازی، لە هەمان كاتدا دەكرێت ئەم نیشانەیە ئاماژە بێت بۆ كێشە لە هۆڕمۆنەكانی لەش، نەخۆشی دەرونی و سترێسی زۆر.

 

- كرداری هەرس ناچالاكە و گرفتت هەیە لە هەرسكردنی خۆراك و زۆر كات گەدە تووشی ترشان دەبێت.

 

-برینەكانی لەش زۆر درەنگ ساڕێژ دەبن و خانەكان بە زوویی گەشە ناكەن، هاوكات دەكرێت ئەمە لە ئەنجامی كەمی زینك و نەخۆشی شەكرەش ڕووبدات.

 

ئەو ڤیتامینانەی بەرگری لەش بەهێز دەکەن:

 ڤیتامینC: بە یەکێک گەورەترین ئامرازەکانی بەهێزکردنی سیستەمی بەرگری دادەنرێت، لە ڕاستیدا کەمی ئەم ڤیتامینە نەخۆشت دەخات، ئەو خواردنانەی کە دەوڵەمەندن بەم ڤیتامینە، پرتەقاڵ، شلیک، بیبەر، سپێناخ، برۆکلی و کەلەرم ڕۆژانە دەبێت بخورێن بۆ ئەوەی جەستە بە تەندروستی بمێنێتەوە.

 

ڤیتامینB6: زۆر گرنگە بۆ سیستەمی بەرگری و ئەو خواردنانەی کە دەوڵەمەندن بەو ڤیتامینە بریتین لە مریشک، سەلەمۆن و تونا.

 

ڤیتامین E: زۆر بەسوودە بۆ دژە ئۆکسان کە دژی هەوکردنی ناو جەستە کار دەکات، خواردنەکانیش کە دەوڵەمەندن بەم ڤیتامینە بریتین لە، چەرەسات و خواردنە پاقلەمەنیەکان.