ناوەندی هەواڵ

 

لە شاری سەمسوری باکووری کوردستان کە کاریگەری بوومەلەرزەکەی بازارجیخی مەڕەشی لەسەربوو، بەشی هەڵگرتنی تەرمی نەخۆشخانەی دەوڵەتی شارەکە پڕ بووە و ئەو کەسانەی گیانیان لەدەستداوە لەسەر زەوی دەمێننەوە تا دەبرێن بۆ بەخاک سپاردن.

 

هاوڵاتییەک کە بە کامێرای تەلەفۆنەکەی دۆخی نەخۆشخانەکەی تۆمار کردووە دەڵێت: "لەبەرئەوەی هیچ شوێنێک لە مردووخانەکەدا نییە، مردووەکان دەبرێنە سەر زەوییەکە، نیوەی خەڵکەکە هێشتا لە ژێر وێرانەدایە، سەمسور بێ ماڵ و حاڵە. ئافاد بوونی نییە، کەس نییە، گەل ئەوەی لە توانایدا بێت دەیکات".

 

لە گرتە ڤیدیۆییەکاندا دەردەکەوێت کە زۆرێک لە قوربانییەکان لەناو ڕاڕەوەکاندا بە بەتانییەوە دانراون و هیچ کارمەندێکی نەخۆشخانەکە دیار نییە.