بەرژین کارا

 

مەخمور- لەکاتی داگیرکردنی عەفرین لەلایەن دەوڵەتی داگیرکەری تورکیا و چەتەکانییەوە، لە ١٨ی ئاداری ٢٠١٨ەوە کردەوەی دژە مرۆیی دژی هاوڵاتیان و سروشت و مێژوو و خاکی عەفرین ئەنجام دراوە، لەبەردەم چاوی هەموو جیهاندا، سیاسەتی جینۆساید و تاڵانکردن بەردەوامە، ژنان و منداڵان ڕۆژانە لەلایەن چەتەکانی سەر بە دەوڵەتی تورکیاوە دەکرێنە ئامانج و دەستدرێژیان دەکرێتەسەر.

 

لەگەڵ ئەوەشدا، خوێندن بە زمانی کوردی دەستبەجێ قەدەغەکرا، ناوی شەقامەکان و گەڕەکەکانی شارەکە بە زمانی کوردی لابرا و کرایە تورکی، سیاسەتی ناڕەزایەتییەکان لە شارەکەدا قووڵتر بوو، پەدەکەو سەرۆکایەتی ئەنجومەنی نەتەوەیی کورد لە سوریا "ENKS" سیاسەتی وێرانکردن و جینۆساید و تاڵانکردنیان بەڕێوەبرد. لەم دواییانەدا ناوەندێکی منداڵان لەلایەن دامەزراوەی خێرخوازی بارزانی لە عەفرین کرایەوە لەژێر ناوی "ناوەندی ڕۆشنبیری و هونەری." بە پەڕۆی سوور و سپی ڕازێنرابووەوە و بە هەمان شێوە بۆ منداڵانیش جلی لەو ڕەنگە لەبەر دەکرا.

 

لەگەڵ ئەوەشدا، لە ۱ی تەممووز، چەتەکانی گروپی "حەمزەت" لە گوندی جیوەق لە عەفرین دەستدرێژییام لردە سەر منداڵێک، هەم بیدەنگی هیزە نێوەدەلەتییەکان لەبەرامبەر دەستدرێژی سەر منداڵان و ژنان، هەم کردنەوەی ناوەندێکی مندالان لەلایەن پەدەکە بووە هۆی نارەزایەتی گەل .

 

ماریا بۆزان، مامۆستا لە قوتابخانەی ئامادەیی کامپی پەنابەرانی شەهید ڕۆستەم جودی (مەخمور) ، لەو بارەیەوە بۆ ئاژانسەکەمان قسەی کرد.

 

ماریا بۆزان لە سەرەتای قسەکانیدا باسی لە ئامانجی هێرشەکانی دەوڵەتی تورکیا بۆ سەر کوردەکان کرد و وتی: دەوڵەتی تورکیا ستراتیژی خۆی لەسەر قڕکردنی کوردەکانی سەدەی لۆزان دامەزراند لەسەر کۆمەڵکوژی و جینۆساید و نکۆڵیکردن و وەک یەکبوونی کوردەکان و بەم شێوەیە دەیویست تا ئەمڕۆش بەردەوام بێت، لە بەرامبەر ئەو ڕاپەڕینانەی کە دەکرا کوردیان کوشت، دەبێت ئەوە ببیندرێت کە کوردەکان خەباتێکی بێهاوتایان لە دژی هێرشەکان کردووە، کوردەکان گەیشتوونەتە ئەو دەسەڵاتەی کە خۆیان بپارێزن لە ڕووی ناسنامە و کولتوور و زمانەوە تا ئەو ئاستەی کە گەل لەسەر ئاستی نێودەوڵەتی ناسراوە.

 

"دەیانەوێت کورد لە بوون و ڕاستی خۆیان  دووربخەنەوە"

ماریا بۆزان تیشکی خستە سەر هاوکارییەکانی دەوڵەتی تورکیا لەگەڵ هوداپار و وتی : ئێمە لە هەڵبژاردنەکانی ئەم دواییەدا باشتر دەبینین کە دەوڵەتی تورکیا بە هەماهەنگی لەگەڵ هوداپار دەیەوێت چەتەکان و دژەکانی یەکبخات و بەردەوام بێت لە ستراتیژی خۆی دژی کوردەکان،  لەبەرئەوەی نەیتوانیووە هێرش و سەربازی بۆ سەر کوردەکان ئەنجام بدات، دەیەوێت لە ڕووی ئایدۆلۆژییەوە لە ڕێگەی هوداپار و لە ڕێگای باوەڕبوون بە ئایینی کوردی کە باوەڕیان پێیەتی، ئایینی ئیسلامی دەیەوێت کاریگەری لەسەر کوردەکان هەبێت. ئەوان دەیانەوێت ئەم پرۆسەیە بدرێت بە قوتابخانەکان و پەروەردەی ئایینی بۆ ئەوەی کوردەکان لە ڕاستی و بوونی خۆیان دوور بخەنەوە، بۆ ڕاگرتنی ئایدۆلۆژیای ئێستا ئەو خەباتە بوەستێنن کە دروستکراوە و بە هاوکاری پەدەکە ئەنجامی دەدەن.

 

"ئامانجی لەناوبردنی ڕێکخراوە کوردییەکانە"

مامۆستا ماریا لە هەڵسەنگاندنەکانیدا ئاماژە ی بەوەکرد کە لە هەر شوێنێک گەلی کوردستان ڕووبەڕووی قڕکردن دەبنەوە، وتی: پەدەکە ڕێکخراوە کوردییەکانیش لەناودەبات کاتێک سەیری مێژووی کوشتن و هاوشێوەکردنی کوردەکان دەکەین، کاتێک سەیری ئێران دەکەن، دەبینن کە ڕێکخراوەکان و بزووتنەوەکانی ئەوێی لەناوبردووە و بەرهەمەکانیانی کردووەتە ماڵکی خۆیان. لە باشووری کوردستان ڕێکخراوی هاوشێوە یەنەکە، لە بەرامبەر ئەوەدا، هێزی گەلی ڕۆژئاوا ڕێگەی نەدا ئەم دەستکەوتەی کوردان لەناوببرێن.

 

"بە مەبەست دەستدرێژی دەکەنە سەر منداڵان"

ماریا بۆزان ڕایگەیاند کە ڕووداوەکانی عەفرین لەگەڵ یاسا مرۆییەکاندا ناگونجێت و وتی: بە هەماهەنگی لەگەڵ ئەنەکەسە و چەتەکانی سەر بە خۆی عەفرینی داگیرکرد، ئەمڕۆ دەبینین کە ئەم پیسی و خیانەتە لە عەفرین بەردەوامە، ئەوەی تورکەکان و پەدەکە  ئەنجامی دەدەن نکۆڵیکردن و کۆمەڵکوژییە، هێشتا کۆمەڵکوژییەکی گەورەو بێ سنوور لە دژی منداڵان و سروشت و مێژوو لە عەفرین بەردەوامە،  دەستدرێژیکردنە سەر منداڵان بە واتای قڕکردنی داهاتووە، لەبەر ئەوەیە کە ئەوان بە ئاگادارییەوە ئەم شتانە دەکەن، بە نیازن منداڵان و کولتووری کوردی خراپ بەکاربهێنن و بە نیازن سروشتی کوردستان وێران بکەن. بەم شێوەیە دەیانەوێت بوون و ناسنامەی کوردەکان لەناوببەن، ئەم کارە بە هەماهەنگی لەگەڵ پەدەکە ئەنجام دەدەن.

 

ماریا بۆزان لەبارەی کردنەوەی ناوەندی منداڵان لەلایەن پەدەکەوە وتی: پەدەکە دەڵێت ناوەندێکی منداڵانمان کردۆتەوە، ئەو منداڵانە بە زمانی خۆیان پەروەردە دەکرێن، بەڵام لە ڕاستیدا بە مێشکی دەوڵەتی تورکیا و فاشیزمی تورکیا کە خزمەتیان دەکات.

 

"ئەوان دەیانەوێت منداڵەکان لە بوونی خۆیان دووربخەنەوەو بیانخەنە خزمەتی خۆیانەوە"

مامۆستا ماریا ڕشیگەیاند کە پەدەکە هاوکارییەکانی خۆی لەگەڵ دەوڵەتی تورکیا دەشارێتەوە بە ناوی پاراستنی بوونی گەلی کورد و وتی: بەڵام کاتێک سەیری دەکەین، هەرچەندە بە کوردی قسە دەکەن، بە ناوی گەلی کوردەوە قسە دەکەن، بەڵام لە سروشتدا شتێک نییە بە ناوی کوردەوە بکرێت، دژایەتی ئەو بۆ قووڵترین خیانەتی گەلی کورد لەم سەدەیەدا، پەدەکە و ماڵی بارزانییە. ئەم کارە بە ئاشکرا لە دژی کورد ئەنجام دەدەن و خزمەت بە دەوڵەتی تورک دەکەن، لە ڕووی ئابوورییەوە، لە ڕووی ئەخلاقییەوە، چییان لەدەست بێت دەیکەن، ئێستا ڕێکخراوێکی کوردی ناتوانێت بە هیچ شێوەیەک بچێتە ناو عەفرینەوە و کەسێکی نیشتمانپەروەریش ناتوانێت لەبری ئەو یارمەتی بدات، چۆن پەدەکە دەتوانێت بە ئاسانی ناوەندیكی منداڵان بکاتەوە. ئەمە بە هاوکاری دەوڵەتی تورک نەبێت نەدەکرا، ئەوان دەیانەوێت پێکەوە کۆمەڵکوژی کوردەکان ئەنجام بدەن. بە تایبەتی بۆ منداڵان، بۆ دروستکردنی ئەم هۆشیارییە لە منداڵاندا. لە کولتوور و ناسنامە و بوونی خۆیان دووریان دەخاتەوەو بەم شێوەیە دەیانخەنە خزمەتی دوژنمەوە.