گەرمیان

 

سەرلەبەیانی ئەمڕۆ بە بۆنەی جەژنی ڕەمەزانەوە لە زۆربەی ناوچەکەکانی کوردستان هاوڵاتیان کۆبوونەوە و بە خواردنی نانی جەژن خۆشی و شادیان گێڕا، لەم ڕۆژەدا خەڵکی بەیانیان خواردن ئامادە دەکەن و شیرینی دەگێڕن.

 

دوای خواردنی بەیانی، هاوڵاتیان دەست دەکەن بە گەڕان لەناو خزم و دراوسێ و کەسوکاردا و جەژنە پیرۆزە دەکەن، ئامانجیشیان یەکتر بینین و زیندوو هێشتنەوەی پێکەوە ژیان و پەیوەندی کۆمەڵایەتییە.

 

هەرچەندە لە بەشێک لە ناوچەکان ئەم کولتوورە کاڵ بووەتەوە و وەکو پێشتر نەماوە، بەڵام لە هەندێ ناوچەی تر و بە تایبەتی لە گوندەکان هێشتا ئەم کولتوورەیان پاراستووە و لەو ڕۆژەدا بۆ پتەوکردنی پەیوەنییە کۆمەڵایەتییەکان سەردانی یەکتر دەکەن.