ژیانی نازەنین کیانبەخت و نازیلا مەعروفیان لە زینداندا لە مەترسیدایە
ئەنجومەنی سەندیکای خوێندکارانی وڵات ڕایگەیاند، گیانی نازەنین کیانبەخت، خوێندکاری گرافیکی زانکۆی هونەری تەبرێز لە زیندان مەترسیدایە، هەروەها نازیلا مەعروفیان، ڕۆژنامەنووس لە شاری سەقز، لە زینداندا لە دۆخێکی خراپدایە.
ناوەندی هەواڵ
٣ی کانوونی دووەم، ئەنجومەنی سەندیکای خوێندکاران ڕایگەیاند، نازەنین کیانبەخت، خوێندکاری گرافیکی زانکۆی هونەری تەبرێز کە ڕۆژی ٢٩ی کانوونی یەکەم لە بەردەم ماڵەکەی خۆیدا دەستگیرکرا و گوازرایەوە بۆ زیندانی ناوەندیی تەبرێز، بەهۆی نەخۆشی دڵی هەیە و لە ڕۆژانی سەرەتای دەستبەسەرکردنیدا تووشی جەڵتەی دڵ بووە.
ئەنجومەنەکە ڕایگەیاند، ژیانی نازەنین کیانبەخت لە مەترسیدایە و سەرەڕای بەدواداچوونی خێزانی و ئاماژەیەک بە نامەکەی پزیشکی یاسایی کە ئاماژە بە گۆشەگیریی لە زیندانیکردن دەکات، سەرۆکی لقی داواکاری گشتی تەبرێز مەرجەکەی پشتگوێ خست و ڕەتیکردەوە کەفالەت بۆ خوێندکارە دەستگیرکراوەکە دابنێت، ئاماژە بەوەشکراوە، سەرەڕای خراپبوونی دۆخی جەستەیی نازەنین کیانبەخت، سەردانیکردنیشی قەدەغەکراوە.
نازیلا مەعروفیان، ڕۆژنامەنووسێکی خەڵکی شاری سەقزی ڕۆژهەڵاتی کوردستانە، ٣٠ی ئەیلولی ٢٠٢٢ دوای بڵاوکردنەوەی چاوپێکەوتنەکەی لەگەڵ خانەوادەی ژینا ئەمینی لەلایەن هێزە ئەمنییەکانەوە دەستگیرکرا، پێش دەستگیرکردنی، تویتێکی کرد و نووسیبوی، "من نە هەوڵی خۆکوشتنم داوە و نە هیچ نەخۆشییەکی درێژخایەن و شاراوەم هەیە"، نازیلا بەهۆی ئەشکەنجەی جەستەیی و خراپی دۆخی کاتی دەستبەسەرکردن، لە دۆخێکی جەستەیی خراپدایە و ژیانی لە مەترسیدایە.