هیما ڕاد

 

ئێوارەی دوێنێ، ٢٠ی تشرینی یەکەم، لەلایەن شاخەوانانی شاری سنە بەدرێژایی چیای گوێزە کوێر، کە یەکێکە لە چیاکانی ئابیدەر، بەیاننامەیەکی تایبەت بە شاخەوانانی شاری سنە لەژێر بەرد و دارەکاندا بڵاوکرایەوە.

 

بەیاننامەکە لە ژێر بەردەکان و بەدرێژایی ڕێگاکان دادەنران بۆ ئەوەی خەڵک بیبینن، جگە لەوە، دروشمی ژن، ژیان، ئازادی لەسەر بەردەکان نووسرابوو.

 

لە بەیاننامەکەدا داوا لە شاخەوانان و ئەوانەی دەچن بۆ پیاسەکردن کرد کە ئەمڕۆ، ٢١ی تشرینی یەکەم کاتژمێر ١١ لە پارکی منداڵان کۆببنەوە و داواش لە سەرجەم شاخەوانەکان کراوە کە بە ڕێگای گوێزە کوێر بگەنە پارکی منداڵان.

 

لە بەیاننامەکەدا ئاماژە بەوە کراوە کە پێویستە خەڵک بە بێدەنگی بێنە شوێنی گردبوونەوە و ناڕەزایی خۆیان بە باڵاترین هۆشیاری سیاسییەوە بگەیەننە سیستمی دەسەڵاتدار.