مەدینە مامەدئۆغلو

 

ئامەد-دۆخی زیندانیانی نەخۆش لە زیندانەکانی باکووری کوردستان و تورکیا تا دێت سەختتر دەبێت، لەو زیندانانەی کە هەزاران زیندانی نەخۆش و سەدان زیندانی نەخۆشی سەختییان تێدایە، زیندانییەکان ناتوانن مافی تەندروستی و ژیانیان وەربگرن، هەروەها زیندانییەکانی جۆری R گۆشەگیری بۆ زیندانیانی نەخۆش قوڵتر دەکەنەوە.

 

زیندانەکانی جۆری R کە کراوەن بۆ چاککردنەوەی تاکەکان و دەکەونە دوو شوێنی تورکیا، یەکێکە لەو شوێنانەی کە زیندانییە نەخۆشە سەختییەکانی تێدا دەمێننەوە، پارێزەر ڕێحان گۆک، سکرتێری گشتی کۆمسیۆنی چاودێری کۆمەڵەی پارێزەرانی ئامەد، تێبینییەکانی خۆی دەربارەی ئەو زیندانانە باس کرد و ئاماژەی بەوەکرد کە کێشەی گەورە لە زیندانەکاندا هەیە، بارودۆخەکە بەتایبەتی بۆ زیندانییە نەخۆشەکان مەترسیدارە، دۆخەکە بە ڕاپۆرتەکانی پەیمانگای پزیشکی دادوەری "ATK" کە دەڵێتڤ "دەکرێت لە زینداندا بمێننەوە" خراپتر دەبێت، ڕاپۆرتەکان یاسایی و زانستی نین، لەبەر هۆکاری سیاسییەو وتی:ڕاپۆرتەکانی ATK بۆ زیندانییە نەخۆشەکان لە بیر ناکەین، بارودۆخی قورستر بۆ زیندانییە نەخۆشەکان لە زیندانەکاندا دروست دەبێت، ئەمە هەروەها پێشێلکردنی مافی ژیان و تەندروستی زیندانییە نەخۆشەکانە، زیندانییە نەخۆشەکان زۆرجار ناتوانن مافی چارەسەرکردنی خۆیان بەکاربهێنن.

 

"تەنانەت زیندانییە نەخۆشەکان ناتوانن کورسی کارەبایی بۆ جوڵەکردن وەربگرن"

ڕیحان گۆک ڕایگەیاند کە زیندانییەکانی جۆری R بۆ زیندانییە نەخۆشەکان دامەزراون، ئەو دەرفەتانەی ئاماژەیان پێکراوە مسۆگەر نەکراون و لە بارودۆخێکی گونجاودا نین بۆ زیندانییە نەخۆشەکان، زیندانییە نەخۆشەکان بە تەنها لەو زیندانانەدا ماونەتەوە کە کێشەی زۆریان تێدایە و ئەم بارودۆخە کاریگەری خراپی لەسەر نەخۆشی هەیە،  زیندانییە نەخۆشەکان ئاسوودە نین و ناتوانن گەڕان و پێداویستییەکانیان جێبەجێ بکەن، زۆربەی ئەو کەسانەی لە ژوورەکەدان نەخۆشن، کورسییەکان و پێداویستییە پزیشکیەکان هەن کە دەبێت بۆ تاکەکان مسۆگەر بکرێن، بەڵام ئەمە لە چوارچێوەی پشتیوانی کۆمەڵایەتیدا هەڵسەنگاندنی بۆ ناکرێت و لەلایەن کەسوکاری زیندانییە نەخۆشەکانەوە دابین دەکرێت، لەگەڵ ئەوەشدا زیندانییە نەخۆشەکان ناتوانن کورسی کارەبایی بۆ جوڵەکردن وەربگرن.

 

"زیندانییەکان دەیانەوێت زیندانی جۆری R جێبهێڵن"

ڕیحان گۆک ئاماژەی بەوەدا پاککردنەوەی ژوورەکە بۆ زیندانییە نەخۆشەکانیش بەجێدەهێڵرێت و وتی: زیندانییە نەخۆشەکان ناتوانن پێداویستی کورسی و جێگەی نوستن دابین بکەن، هەروەها پاککردنەوەی ژوورەکە بۆ زیندانییەکان جێدە‌هێڵدرێت، ئەمە کردارێکی خراپە کە بە شێوەیەکی سیستەماتیکی ئەنجام دەدرێت، بارودۆخەکە ئەوەندە خراپە کە زیندانییەکانی جۆری R دەیانەوێت بچنە ناو زیندانە ئاساییەکان، زیندانییە نەخۆشەکان ڕایانگەیاند کە هاوڕێکانیان لە زیندانەکانی دیکە پێداویستییەکانیان زیاتر لە جۆری R دابین دەکرێت، لە ڕاستیدا، بۆیە نایانەوێت لەوێ بمێننەوە چونکە داواکارییەکانیان جێبەجێ نەکراون، زیندانییە نەخۆشەکان لەوێ لەژێر گۆشەگیریدان.

 

"پێویستە هەنگاوی پێویست بندرێت"

ڕیحان گۆک تیشکی خستە سەر زیندانییە نەخۆش و بەتەمەنەکانی وەک حەنیفە ئارسلان، مەقبولە ئۆزەر و بەسرا ئەرۆل کە لە زینداندا بەندکراون و ڕایگەیاند، ئەم پرۆسەیە زیان بە ویژدانی کۆمەڵگە دەگەیەنێت و ئەو ژنانەی کە هەوڵدەدەن پێداویستییەکانیان دابین بکەن ئازاد بکرێن، ڕیحان گۆک داوای گرتنەبەری هەنگاوی کاریگەر و خەباتێکی هاوبەشی کردو وتی: پێویستە ڕێکخراوە ناحکومییەکان، هەموو یاسادانەران و پزیشکەکان لەم بارەیەوە هەستیار بن، پێویستە لەم پرۆسەیەدا کاری کاریگەر ئەنجام بدرێت، ئەو بڕیارانەی لەبارەی زیندانییەکانەوە دەدرێن نایاساییە پێویستە لەم پێناوەدا تێکۆشانێکی جدی هەبێت، لەم خاڵەدا بەردەوام دەبین لە خەباتی یاسایی دژ بە پێشێلکارییەکان لەگەڵ داواکارییەکانمان و ناڕەزایەتییەکانمان، بەڵام ئەم خەباتە دەبێت فراوانتر بکرێت و دەبێت بگەینە چارەسەرێکی هەمیشەیی.