مەدینە مامەدئۆغڵو

 

خارپێت- بورجو دەمیر، ئەندامێکی تەمەن ٣٢ ساڵی یەکێتی کرێکارانی خزمەتگوزاری تەندروستی و کۆمەڵایەتی "SES" لە خارپێت، لە ١٢ی کانوونی دووەم هاوسەرگیری لەگەڵ شارەزا مورات کۆشان کرد، لە ٧ی شوبات بە چەک کوژرا. ڕووداوەکە لەبەردەم ئەو نەخۆشخانەیە ڕوویدا کە بورجو دەمیر تێیدا کاری دەکرد. تاوانبار موراد کۆشان، کە دوای ڕووداوەکە هەڵهات، دوای چەند کاتژمێرێک لەلایەن پۆلیسەوە دەستگیرکرا، بورجو دەمیر دوای خزمەتگوزارییەکانی پشکنین لە ناوچەی دەپ لە خارپێت بەخاک سپێردرا.

 

هەڕەشەی کوشتنی لێکرابوو

کەسوکاری بورجو دەمیر، لەبارەی ڕووداوەکەوە قسەیان بۆ کردین و وردەکاری ڕووداوەکەیان بەم شێوەیە باسکرد: بەگوێرەی سەرچاوەکان ماوەی ساڵێک بووە بورجو و لەگەڵ تاوانبار مورات یەکیان ناسیوەو مانگێک لەمەوبەر هاوسەرگیرییان کرد، بورجو دەمیر لەم ڕۆژانەی دواییدا بەتایبەتی ڕووبەڕووی توندوتیژی بووەتەوە، ئەوە زانراوە کە بورجو دەمیر بە خزمەکانی وتووە "ئەو هەڕەشەم لێدەکات، دەمەوێت لێی جیا ببمەوە" دەردکەوت کە مورات کۆشان، ئەفسەری شارەزا هەڕەشەی کوشتنی لە بورجو خێزانەکەت کردووە.

 

ڕووداوەکە پلانی بۆ دانرابوو

کاتێک بورجو دەمیر لەلایەن تاوانبار موراد کۆشان هەراسان کراوە، زانرا کە تاوانبارەکە سووکایەتی بە خێزانەکەی کردووە کە کاردانەوەیان بەرامبەر بارودۆخەکە هەبووە، هەروەها لە ڕۆژی ڕووداوەکەدا چەند جارێک پەیوەندی پێوەکراوەو هەڕەشەی لێکراوە، کارمەندانی نەخۆشخانەکە کە شایەتحاڵی ڕووداوەکە بوون ڕایانگەیاند، ڕووداوەکە لەبەردەم دەرگای پشتەوەی نەخۆشخانەکە ڕوویداوە و هیچ کامێرایەکی تێدا نەبووە، ئەمە بەڵگەیە کە ڕووداوەکە پلانی بۆ دانراوە.

 

هاوڕێکانی ڕێگەیان پێنەدرا بەشداری پرسەکە بکەن

کارمەندانی تەندروستی کە گوێیان لە تەقەکان بوو وتیان: ئەنجامدەرەکە هەڵاتووە و بورجو لە شوێنەکە گیانی لەدەستداوە، دوای ڕووداوەکە، بەڕێوەبەرایەتی نەخۆشخانەکە ڕێگەی بە هاوڕێکانی بورجو کە لە نەخۆشخانەکە کاردەکەن نەدا ئامادەی پرسەکە بن.

 

خێزانەکە داوای دادپەروەری دەکەن

خزمەکانی بورجو دەمیر، کە دەربارەی ڕووداوەکە قسەیان بۆ کردین داوای دادپەروەرییان کرد و کاردانەوەیان بەرامبەر بە زیادبوونی کوشتنی ژنان لە باکووری کوردستان و تورکیا نیشاندا، ئەندامانی خێزانەکە ئاماژەیان بەوەکرد، کردەوەکە هێشتا وتەی بۆ هێزە ئەمنییەکان نەداوە.