سنە

 

١٦ی ئەیلوول، هاوکاتە لەگەڵ ساڵڕۆژی کوشتنی ژینا ئەمینی، چەند ڕۆژێکە هەموو لایەن و ڕێکخراوە کوردییەکان بانگەوازییان کرد پێکەوە بەشداری مانگرتنی سەرتاسەری ببن و لەو ڕۆژەدا دوکان و بازاڕەکان دابخەن، ئەمڕۆش زۆرینەی بازاڕەکانی ڕۆژهەڵاتی کوردستان، دوکانەکانیان داخران و بەشداری مانگرتن بوون.

 

خەڵکی ڕۆژهەڵاتی کوردستان بە شاری سنەشەوە، جارێکی دیکە پەیوەست بوون بە مانگرتنەکانەوە، لە کاتێکدا چەند ڕۆژێکە ڕژێمی ئێران لە ڕێگەی تەلەفون و بانگکردنیان بۆ ئیتلاعات، بەڵێننامەیان پێ پڕدەکەنەوە و هەڕەشە لە دوکانداران دەکەن کە نابێت دوکانەکانیان دابخەن و بەشداری مانگرتن بکەن.

 

لە مانگرتنە سەرتاسەرییەکاندا، سنە مانگرتنی تەواوەتی ڕاگەیاندووە و نەک هەر دوکاندارەکان بەڵکو هەموو شەقامەکانی شار لە خەڵک چۆڵ بوون و ئەمەش نیشانەی بەڵێنی ئازادی گەلە بە شەهیدان و شۆڕشی ژن، ژیان، ئازادی.

 

 

 

دیواندەرە

 

هەروەها لە شارەکانی دیکەی وەک،  سەقز، مەریوان، دیواندەره، بۆکان، شنۆ، ڕوانسەر، جوانڕۆ، بانه، کامیاران، دێگولان، پاوە مانگرتن ڕاگەیەندراوە.