وەزارەتی ناوخۆی فەڕەنسا: هەر سێ ڕۆژ جارێک ژنێک لەلایەن هاوژینەکەیەوە دەکوژرێت
وەزارەتی ناوخۆی فەرەنسا، ڕاپۆرتێکی لەبارەی کوشتنی ژنان بڵاو کردەوە و ئاشکرایکرد، لە ساڵی ٢٠٢٢دا هاوشێوەی ساڵی ٢٠٢١ هەر سێ ڕۆژ جارێک، ژنێک لەلایەن هاوژینەکەی یاخود هاوژینی پێشووییەوە کوژراوە.
ناوەندی هەواڵ
لە دواین ڕاپۆرتیدا وەزارەتی ناوخۆی فەڕەنسا، کە ڕۆژی شەممە بڵاویکردەوە، ڕایگەیاند، ساڵی ڕابردوو هەزار و ١٨٨ ژن بە دەستی هاوژین یان هاوژینی پێشووییان کوژراون، ڕێژەکە بەراورد بە ساڵی ٢٠٢١ بە جێگیری ماوەتەوە.
هەرچەندە ڕاپۆرتەکەی وەزارەتی ناوخۆ، ئاماژەی بە ئامارەکانی ٨ مانگی ئەمساڵ نەکردووە، بەڵام بەپێی زانیاریی میدیا ناوخۆییەکانی ئەو وڵاتە، ڕۆژی ٢٩ی ئاب ژنێکی ٤٢ ساڵان لەلایەن هاوژینەکەیەوە بە بەرچاوی خەڵکەوە کوژرا و بەوەش ٧٧ ژن لە ماوەی ٢٠٢٣دا لەو وڵاتە کوژراون.
بکوژی ژنە ٤٢ ساڵانەکە پێشینەی تاوانی هەیە و بە ئەنجامدانی توندوتیژیی خێزانیی لەلایەن پۆلیسەوە دەستگیر کراوە، بەڵام زیندانیی نەکراوە.
زیادبوونی ژنکوشتن زۆرینەی هۆکاری سزا نەدانی تاوانبارانە و تاوانباران زیندانی ناکرێن و بە ئاسانی لەدەست یاسا دەردەچن.