ناوەندی هەواڵ

 

چەندین ساڵە لە تورکیا، شارەزایان هۆشداریان داوە کە گەندەڵیی و سیاسەتەکانی حکومەت بووەتە هۆی ئەوەی کە بینا نوێیەکان سەلامەت نەبن بۆ ژیان و نیشتەجێبوون تێیدا، بەڵام ئەم قسانە پشتگوێ خران و لە بوومەلەرزە بەهێزەکەی ٦ی شوبات سەدان هەزار بینا لە باکووری کوردستان و تورکیا ڕووخان و تەختی زەوی بوون.

 

ڕۆژی شەممە ٢٥ی شوبات، بەکر بۆزداغ، وەزیری داد ئاماژەی بەوەکرد کە ١٨٤  گومانلێکراو کە بەڵێندەرەکانی بیناسازی و خاوەن موڵکەکانی تێدایە، دەستگیرکراون.

 

دوو هەفتە پێش ئێستا، دەسەڵاتداران وتیان کە ١١٣ فەرمانی دەستگیرکردن دەرچووە و ئیستاش ئاشکرایدەکەن کە لێکۆڵینەوەکان فراوانتر بوون و ٦٠٠ کەس لێکۆڵینەوەیان لەگەل دەکرێت.