ماریانا فێربەر، تێکۆشەری ئابوری فێمینستی
ماریانا فێربەر، وەک کەسایەتیەکی ناوەندی لە پەرەسەندنی ئابووری فێمینیستی دا ڕۆڵێکی زۆری گێڕاوە و ئەدەبیاتی لەسەر ئامادەبوونی ژنان لە ئابووریدا فراوان کرد.
ناوەندی هەواڵ
ماریانا ئەی فێربەر لە ٣٠ی کانوونی دووەمی ١٩٢٣ لە چیکۆسلۆڤاکیا لە دایک بووە و لە زانکۆی ماکماستەر لە هامیلتۆنی کەنەدا بڕوامانەی بەدەستهیناوە، دکتۆراشی لە زانکۆی شیکاگۆ وەرگرتووە.
ئابوریناسێکی فێمینیستی ئەمریکی و نووسەری چەندین کتێب و وتار بووە، لەسەر بابەتی کاری ژنان و خێزان و نایەکسانی ڕەگەز کاری کردووە، ماریانا، پرۆفیسۆری ئابووری بوو، وەک سەرۆکی خوێندنی ژنان لە ساڵانی ١٩٧٩-١٩٨٣ و ١٩٩١-١٩٩٣ لە زانکۆی ئیلینۆسی لە ئۆربانا چامپاین خزمەتی کرد، واتە وەک پرۆفیسۆری ئابووری لە زانکۆی ئیلینۆس بۆ ماوەی ٣٨ ساڵ خزمەتی کردووە.
لە ساڵی ١٩٧٠کاندا، ئەندامی کۆمیتەی باری ژنان بوو لە پیشەی ئابووریدا دواتر، ئەو بوو بە ئەندامی دامەزرێنەری کۆمەڵەی نێودەوڵەتی بۆ ئابووری فێمینیستی (IAFFE) و لە ساڵی ١٩٩٥ و ١٩٩٦ وەک سەرۆکی کۆمەڵەکە خزمەتی کرد.
هەروەها ئەو سەرۆکی کۆمەڵەی ئابووری ناوەڕاستی ڕۆژئاوایە و زانکۆی ماکماستەر ساڵی ١٩٩٦ خەڵاتی دەرچوونی بۆ هونەرەکانی وەرگرت.
لە ساڵی ١٩٨٧دا " ژن و کار، پارەدان و پارەنەدراو" بڵاوکرایەوە کە بە کەتەلۆگێکی گشتگیری توێژینەوەی ئابووری لەسەر کاری ژنان دادەنرێت پێش دەرکەوتنی ئابووری فێمینیستی.
ماریانا فێربەر، تێکۆشەری ئابوری فێمینستی لە ساڵی ٢٠١٣ کۆچی دوایی کردووە.