ڕەفیف ئەسلیم

 

غەزە- فیدراسیۆنی کاراتێی فەلەستین چالاکییەکانی ئاهەنگی کۆتایی پاڵەوانێتی فەرمیی ناوەندی فەلەستین بۆ ساڵی ڕابردووی ٢٠٢٢، بە ئامادەبوونی ژنانی بەرچاو بە نوێنەرایەتی یانە بەشداربووەکان بە سەرپەرشتی کۆمیتەی ئۆڵۆمپی فەلەستین بەڕێوەبرد.

 

لەلایەن ئیسرائیلەوە بەربەست دروستکراوە بۆ پاڵەوانێتییەکە

تەسنیم لبد، یەکێک لە ڕێکخەرانی پاڵەوانێتییەکە، ڕایگەیاند، کە ئەمە پێنجەمین پاڵەوانێتییە لەسەر ئاستی فەلەستین لە کاراتێ لە پارێزگاکانی باکوور و باشوورەوە بەڕێوەبچێت، کە ٢٠ لە یانەکانی فەلەستین نزیکەی ١٣٠ یاریزانیان بەشداری پێکردووە، وتیشی: بەڕێوەبردنی پاڵەوانێتییەکە لەسەر خاکی کەرتی غەزە گرنگییەکی زۆری هەیە، چونکە بەرەنگاری زنجیرە خۆپاراستن و بەربەستەکانی سەپێنراو لەلایەن ئیسرائیلییەکانەوە دەکات، چونکە هەندێک لە یاریزانەکان بەهۆی ڕێگرییەکانەوە نەیانتوانی بگەنە هۆڵی یارییەکان، لە بنەڕەتدا بڕیار بوو پاڵەوانێتییەکە لە مانگی تشرینی دووەمی ٢٠٢٢ بەڕێوەبچێت، بەڵام ئەو ئاستەنگانەی ڕووبەڕوویان بووینەوە ڕێگرییان لە تەواوبوونی چالاکییەکە کرد.

 

مونا شەعبان، پلەی یەکەمی پاڵەوانێتی کاراتێی ٢٠٢٢ی بەدەستهێناوە، ئاماژەی بەوەکردووە، دڵخۆشە بە بەشداریکردنی و متمانەی لەلا دروستکردووە، کاراتێ هونەرێکی جەنگییە کە دابەشکراوە بەسەر دوو بەشدا "کاتا"، کە شەڕێکی خەیاڵییە تێیدا جوڵەی خەیاڵی هەیە، هەروەها "کومیتە" شەڕێکی ڕاستەقینەی نێوان یاریزانەکانە کە تێیدا سەرکەوتن بۆ خێراترین و بەهێزترین بە تۆمارکردنی خاڵەکان کە بەپێی شوێنی لێدانەکە و میکانیزم و سروشتی لێدانەکە حیسابی بۆ دەکرێت، جا بە دەست بێت یان بە پێ یان لەسەر سەر و هتد.

 

زەحی بەشارات، ڕاهێنەر لە ئەکادیمیای ئەقسا ڕایگەیاند، هۆکاری ئامادەبوونی لە نابلوسەوە بۆ کەرتی غەزە، بۆ بەشداریکردنە لەو پاڵەوانێتییە ساڵانەیەی کە جار جار بۆ کۆکردنەوەی هەردوو بەشەکەی نیشتمان بەڕێوەدەچێت، وتی: لە ساڵانی پێشوودا وەک یاریزانێک بەشداری پاڵەوانێتیم کردووە، بەڵام بۆ ئەوەی ببێتە ڕاهێنەری ئەو تیپەی کە بۆ ماوەی چەند ساڵێک لە ژێر ناوی ئەو یاریی دەکات، چەندین میدالیای بەدەستهێناوە.

 

ئاماژەی بەوەشکرد، تێڕوانینی کۆمەڵگەی ئەمڕۆ گۆڕاوە بۆ یاریکردنی کاراتێی کچان، لە ڕابردوودا دەوترا کە یارییەکە جەستە تێکدەدات و بۆ ژن نابێت، بۆیە دایک و باوک ڕێگری لە کچەکانیان دەکەن کە فێری ببن، بەڵام دەبێت هەموو لایەک بەدواداچوون بۆ ئەو کچانە بکەن کە یاری دەکەن و تا چەند وەرزش کاریگەری ئەرێنی لەسەر تەندروستی جەستەیی و دەروونییان هەیە و ئەمەش ئەوەیە کە یانەی ئەکادیمیای ئەقسا هەوڵی بەرجەستەکردنی دەدات بە هاندانی تاکەکان بۆی وەرزش مەشق بکەن و پاڵەوانێتییەکانی وەک پاڵەوانێتی ئاسیا بەدەستبهێنن، بۆ ئەوەی ببێتە یەکەم یانە کە میدالیای زێڕ بەدەستبهێنێت.

 

سارا بەلتاوی، یاریزان، ئاماژەی بەوەدا کە لە ساڵی ٢٠١٧ەوە یاری کاراتێ دەکات، لەماوەی ڕاهێنانە چڕەکانی ئەم دواییەیدا کە ئەمساڵ ڕۆژانە ئەنجامی دەدات، وەک ئامادەکارییەکە بۆ بەشداریکردن لەو پاڵەوانێتییەی کە بەشداری دەکات بۆ ساڵی چوارەم لەسەریەک، ئاماژە بەوەش دەکات کە کچان زیاتر کاراتێیان وەک هونەرێکی جەنگی لاپەسەندە، ئەمەش بە واتای تەندروستی جەستە و دەروون و هاندانی هاوتەمەنەکانیان بۆ یاریکردن دێت.