سەبارەت بە پشکنینی ڕووتی ڕۆژنامەنووس ئیسرا سۆلین داڵ، بڕیاری بەدوادانەچوون درا
ڕۆژنامەنووس ئیسرا سۆلین داڵ، کە لە زیندانی ژنانی باکرکۆی پشکنینی بە ڕووتی بۆ کراوە، سکاڵای تاوانکاری تۆمار کردووە، بەڵام بڕیاری بەدوادانەچوونی بۆ درا.
ناوەندی هەواڵ
ئیسرا سۆلین داڵ، پەیامنێری ئاژانسی میزۆپۆتامیا "MA" کە لە ٢٣ی نیسان لە چوارچێوەی لێکۆڵینەوە لە ماڵەکەی خۆیدا دەستبەسەرکرابوو و بە بیانووی 'ئەندامێتی ڕێکخراوەکە' دەستگیرکرا، لەگەڵ مەحمەد ئەسڵان و ڕۆژنامەنووس ئەردۆغان ئەلایومات لە ٢١ی نیسان لە مانگی ئایاردا ئازاد کرا.
دوای دەستگیرکردنی، ئیسرا سۆلین داڵ مانگێکی لە ژوورێکی زیندانی ژنانی باکرکۆی بەسەر بردووە، دووجاریش لە زیندانەکەدا پشکنینی بەبێ جلوبەرگی بۆ کراوە، لەسەر ئەم بابەتە، ئایشە ئۆزدەمیر، پارێزەری ئیسرا سۆلین داڵ لە ١٤یی ئایاردا بەهۆی گەڕانی ڕووتەوە، سکاڵای تاوانکاری لە سەرۆکی داواکاری گشتی باکرکۆی تۆمار کرد، لە چوارچێوەی لێکۆڵینەوەکەدا، بەرێوەبەرایەتی دامەزراوەی زیندانی ژنانی باکرکۆی ڕایگەیاندووە، کاتێک گەڕانی ڕووت ئەنجامدراوە، گەڕانەکە "گونجاو بۆ کۆمەڵگە" ئەنجامدراوە.
سەرۆکی داواکاری گشتی باکرکۆی بانگەشەی بەدواداچوونی بۆ سکاڵای تاوانکاری و دامەزراوەی زیندانی ژنانی باکرکۆی کرد، ڕایگەیاند کە هیچ تاوانێک نییە کە لێکۆڵینەوەی لەگەڵدا بکرێت، بڕیاریشدا بەدواداچوونی بۆ نەکرێت.