بەرچەم جودی

 

کۆبانێ- قەیرانی سووریا، کە لە ساڵی ٢٠١١ەوە بە هەموو شێوەیەک بەردەوامە، خەیاڵ و داهاتووی چەندین نەوەی تاریک کردووە، ئەو منداڵانەی کە دەیان خەون و ئامانجیان هەبوو پێش قەیرانەکە لە جەنگ و پێکدادانەکاندا گەورە بوون و ناچار بوون پلانەکانیان بگۆڕن.

 

شۆڕشی ڕۆژئاوای کوردستان کە وەک چارەسەرێکی جێگرەوە بۆ قەیرانی سووریا سەریهەڵداوە، سەرنجی هەزاران خێزانی لە بەشە جیاوازەکانی سووریا ڕاکێشاوە کە ئێستا لە باکوور و ڕۆژهەڵاتی سووریا دەژین، ژنێکی گەنجی تەمەن ١٩ ساڵ بە ناوی مونا ئەلجادر لە ساڵی ٢٠١٤ لە ئەنجامی هێرش و داگیرکردنی جەرابلوس لەلایەن چەتەکانی دەوڵەتی تورکیاوە لەگەڵ خێزانەکەی کۆچیان کرد بۆ کۆبانێ، خەونەکانی ژیانێکی سەلامەت و ئارام بوون، لە کۆبانێ ئامانجەکەی ناسییەوە و زۆر کاری کرد بۆ ئەوەی ببێتە ئەکتەرێک.

 

"سەرەتا کاردانەوەی نەرێنی هەبوو بەڵام تێپەڕی"

مونا ئەلجادر، باسی ئەزموونی ژیانی خۆی کردو وتی: لە ساڵی ٢٠١٤ هاتینە کۆبانێ، لەو کاتەدا تەمەنم ٧ ساڵان بوو. خەڵک و کولتووری کۆبانێمان نەدەناسی، بۆیە تەنها بە خوێندنەوە سەرقاڵ بووم، لە ساڵی ٢٠١٤ داعش هێرشی کردە سەر کۆبانێ و بۆ دووەم جار ناچار بووین کۆچ بکەین و بپەڕینەوە بۆ باکووری کوردستان. لەبەر ئەوە چەندین بەربەستمان بینی، دوو جار لە ساڵێکدا کۆچمان کرد، دوای ئازادکردنی کۆبانێ گەڕاینەوە و ئێستا بارودۆخی خۆمان کۆکردەوە و لە کۆبانێ نیشتەجێ بووین، تا پۆلی ٩ی سەرەتایی خوێندوومە، دواتر لە ساڵی ٢٠٢١ سەردانی ناوەندی ڕۆشنبیری و هونەری باقی خدۆم کرد و چەند کەسێکم بینی، حەزم لە شانۆ بوو، بەڵام هیچم نەدەزانی. دوای ئەوە، پەروەردەم وەرگرت و خۆمم گەشە پێدا، ناسراو بووم بە هاوبەشکردنی وێنەکان، و شوێنکەوتووانم، سەرەتا کاردانەوەی نەرێنی زۆر هەبوو، بەڵام دواتر ئەمە تێپەڕی.

 

بوو بە یەکەم ژنە ئەکتەر لە میدیا دیجیتاڵیەکانی کۆبانێدا

مونا دەربارەی تێکۆشانی بۆ ئەوەی ببێتە ئەکتەر وتی: تا ئێستا هیچ کارێکی پیشەییمان لە چوارچێوەی سینەماگەرییدا ئەنجام نەداوە، تەنها  چەند شانۆیەک دروست دەکەین دەربارەی کێشە و ناکۆکییەکان لەناو کۆمەڵگەدا و لە کەناڵەکەمان لە یوتیوب بڵاویان دەکەینەوە، بە دڵنیاییەوە، من سنووردار نیم بۆ ئەم کارە، هەوڵم هەیە خۆم لە بەشی سینەمادا پەرەپێ بدەم و بەرهەم دروست بکەم، وەک ژنێکی گەنج لە میدیا دیجیتاڵییەکان، تا ئێستا هیچ کەسێکی وەک من لە کۆبانێ نییە. لەبەر ئەوە، چەندین بەربەستم بینیوە کە ئەم کێشەیە لە کولتووری کۆبانێ قبوڵ ناکرێت، بەڵام لە دژی هەموو بەربەستەکان تێکۆشام و گەیشتم بەم ئاستە.

 

شۆڕشی ژنان یەکێکە له ئامانجەکانی بۆ بەڵگەفیلم

ئەکتەر مونا ئەلجادر ئاماژەی بەوەدا ئامانجەکانی ئەوەیە کە فیلمێکی دۆکیومێنتاری دەربارەی شۆڕشی ژنان دروست بکات و وتی: ئامانجەکانم زۆرن بۆ داهاتوو، بەتایبەتی حەزدەکەم فیلمێکی دۆکیومێنتاری لە نووسین و دەرهێنانی خۆم دروست بکەم، هەروەها سەرنجی تایبەتی خۆم ڕادەکێشم بۆ شۆڕش و خەباتی ژنان لە بەرهەمەکانمدا لە داهاتوودا. هەروەک هەموو ژنان خەباتێکی جیاوازیان هەیە لەم شۆڕشەدا، من ڕۆڵی خۆم لە ڕێگەی هونەر و شانۆوە پێشکەش دەکەم بۆ ئەوەی بتوانم هۆشیاری دواکەوتوو بشکێنم، لە زۆرێک لە دیمەنەکانمدا ئاماژەم بەوە کردووە کە ژنان لە خێزان و کۆمەڵگەدا دەژین. هیچ شوێنێکی جیاواز بۆ ژنان تەرخان نەکراوە، هەروەها حەزدەکەم بە هەڵسوکەوتی خۆم ئاماژە بەوە بکەم کە ژنان بوونیان هەیە، هەست و بیرکردنەوەیان هەیە، ژنان دەتوانن هەموو کارەکانیان ئەنجام بدەن و بەشداری لە کۆمەڵگەدا بکەن وەک تاکێکی چالاک.