ناوەندی هەواڵ

 

فیگەن یوکسەکداغ، هاوسەرۆکی پێشووی پارتی دیموکراتی گەلان-هەدەپە و ١٢ پەرلەمانتاری دیکە لە ٤ی تشرینی دووەمی ٢٠١٦ لەلایەن دەوڵەتی تورکیاوە دەستگیرکران، پارێزەران داوایەکیان ئاڕاستەی دادگای مافی مرۆڤی ئەوروپا کرد و تێیدا ئاماژەیان بەوەدا کە ئەو ئەندام پەرلەمانانەی وڵاتی تورکیا لە کاتی دەستگیرکردنیاندا مافەکانیان پێشێلکراوە.

 

دادگاکە دوای لێکۆڵینەوە لە کەیسەکانیان خستیەڕوو کە پەرلەمانتارەکان مافی ئازادیی ڕادەبڕین، مافی سەلامەتی و ئازادی، مافی دادگاییکردن لە کاتێکی گونجاودا، ڕێگریکردن لێکۆڵینەوە لە کەیسەکانیاندا لەلایەن دەوڵەتی تورکیاوە پێشێلکراوە.

 

بەهۆی پێشێلکارییەکانی دەوڵەتی تورکیا، دادگای مافی مرۆڤی ئەوروپا سزای ١٨٤ هەزار و ٦٠٠ یۆرۆی وەک قەرەبووی مەعنەوی بەسەر تورکیادا سەپاند.