سودان

 

لە ئەنجامی هێرشەکانی هێزەکانی پشتیوانی خێرا بۆ سەر ناوچەی ئەبو عەشەری سەر بە پارێزگای جەزیرە لە سودان، ٦ کەس گیانیان لەدەستداو دەیان کەسیش بریندار بوون کە هەندێکیان برینیان سەختە،

 

بەگوێرەی پلاتفۆرمی کۆنفرانسی ئەلجەزیرە، هێزەکانی پشتیوانی خێرا هێرشیان کردە سەر ماڵە مەدەنییەکان و ژنان و منداڵان و بکەسانی بەتەمەنیان کردە ئامانج. هەروەها هەموو ماڵەکانیان وێران کردووە و دزییان کردووە، هاوڵاتیان بە زۆرەملێ لە ماڵەکانیان دەرکران، هەموو مۆلیدە ئەهلییەکانی کارەبا و ماڵە مەدەنییەکان سووتاون.

 

لە شاری ئەلکامیلین سەر بە پارێزگای جەزیرە، هێزەکانی پشتیوانی خێرا لە کاتی هێرشکردنە سەر خاڵێکی تەندروستی، پزیشکێکی ژن و هاوڵاتییەکیان ڕفاند.

 

هەروەها پلاتفۆرمی نیدا ئەلوەسات دوێنێ ١٨ی کانوونی دووەم، ڕاگەیەندراوێکی سەبارەت بەم ڕووداوە بڵاوکردەوە و ئاشکرایکرد کە ئەم ڕووداوە دوێنێ ڕوویداوە، کاتێک هێزەکانی پشتیوانی خێرا خاڵێکی تەندروستییان کردە ئامانج و پزیشکێکی ژن و هاوڵاتییەکیان ڕفاندووە، ئەم هێرشانە بەردەوام لە ناوچەکە ڕوودەدەن و ئاسایش و سەقامگیری ناوچەکە تێکدەدەن.

 

پلاتفۆرمەکە داوای لە لایەنە پەیوەندیدارەکان کردووە دەستوەردان لەو کارانە بکەن و دەستبەجێ دەستگیرکراوەکان ئازاد بکەن، لە هەمانکاتدا دەبێت بکوژەکان لێپرسینەوەیان لەگەڵدا بکرێت لەسەر ڕفاندنی پزیشکێکی ژن، هەروەها پێویستە ئاسایش و سەقامگیری هەرێم بپارێزرێت.