ناوەندی هەواڵ

 

ڕابیعە ئۆنڤەر بە هۆی ئاشکراکردنی لەشفرۆشی و بازرگانی ماددە هۆشبەرەکانی لە جۆلەمێرگ بە بڵاوکردنەوەی هەواڵێک بە ناوی "شەڕی تایبەت لە جۆلەمێرگ"، پۆلیس لە ٢٠ ئەیلوولدا هەڵیانکوتایە سەر ماڵەکەی و ئەمڕۆش ڕاگەیاندرا کە سەرۆکایەتی داواکاری گشتی جۆلەمێرگ لێکۆڵینەوەی دەستپێکردووە بە ئیدیعای "بڵاوکردنەوەی زانیاری ناڕاست" و بڕیاری دەستبەسەرداگرتنی ماددە دیجیتاڵییەکانی داوە.

 

لقی کۆمەڵەی پارێزەران بۆ ئازادی-ئۆهەدەی شاری جۆلەمێرگ لە هەژماری دیجیتاڵی میدیای خۆیدا ئەم لێدوانەی سەبارەت بەو پرسە بڵاوکردەوە: "موەکلەکەمان ڕۆژنامەنووسە و مافی وەرگرتنی زانیاری لە خەڵک وەرگرتووە و کاری ڕۆژنامەگەریی کردووە".

 

هەروەها ڕایانگەیاندووە: "ئازادی ڕۆژنامەگەری و مافی وەرگرتنی زانیاری بۆ دیموکراسی پێویستە، لە وڵاتێکدا کە بە دیموکراسی بەڕێوەدەچێت، هەوڵدان بۆ بێدەنگکردنی ڕۆژنامەگەری لەلایەن دەسەڵاتی دادوەرییەوە، جددیترین لێدانی دیموکراسی و متمانە بە دەسەڵاتی دادوەری بووە".

 

ئۆهەدە لە ڕاگەیاندراوەکەیدا ئاماژەی بەوە کردووە، ئازادی ڕۆژنامەگەری و  ئازادی مافی خەڵک بۆ وەرگرتنی زانیاری پێشێل کراوە و ڕایگەیاند، "بۆیە دەمانەوێت دەستبەجێ لەم کارە بگەڕێنەوە و پەیڕەوی گشتی یاسا جێبەجێ بکەن".