شەهبا

 

ژنانی شەهبا و عەفرین بە بۆنەی ٧٥ەمین ساڵیادی لەدایکبوونی عەبدوڵا ئۆجالان، ڕێبەری گەلی کورد هەستی خۆیان خستەڕوو، ئەو ڕۆژەیان بە ڕۆژی ژیانەوە ناوبرد.

 

ئارین بەکر، هاوسەرۆکی دەستەی کاروباری کۆمەڵایەتی ناوچەکانی عەفرین-شەهبا، وتی: ئەو خەباتەی گەل و شەڕڤانان لە چیاکانی کوردستان و ناوچەکانی باکوور و ڕۆژهەڵاتی سووریا ئەنجامیان دا، مێژووییە، پیلانێکی نێودەوڵەتی لە دژی دامەزرێنەری سیستمی نەتەوەی دیموکراتیک، ڕێبەر عەبدوڵا ئۆجالان ئەنجامدرا، گەل و تێکۆشەرانی کورد بە مەبەستی بلۆک کردنی سیاسەتی وڵاتانی سەرمایەداری، ئیرادەی خۆیان بۆ درێژەدان بە خەبات زیاد کردووە، بەهۆی گرێدراویمان لەگەڵ بیر و فەلسەفەی ڕێبەر ئۆجالان، لە ناوچەکانی شەهبا درێژە بە خەباتی خۆمان دەدەین، ئێمە هەمیشە پەیڕەوی بەڵێنەکەمان دەکەین و پەیڕەوی لە بیرۆکە و فەلسەفەی ڕێبەر ئۆجالان دەکەین، ڕێبەر ئۆجالان ژنانی لە خەوی هەزاران ساڵەی کۆیلایەتی بەئاگا هێنایەوە، هێز و گرنگی بە ژنان بەخشی و ئێستاش ژنان لە زۆر بوارەکانی کۆمەڵگەدا پێشەنگن. ڕۆژی لەدایک بوونی ڕێبەر ئۆجالان پیرۆز بێت لە هەموو ئەو کەسانەی تامەزرۆی ئازادین، لە هەموو ئەو ژنانەی کە دژی نادادپەروەری و کۆیلایەتی خەبات دەکەن و خەبات دەکەن.

 

"ئەو ڕێبەرێکی نێودەوڵەتییە"

ڕەهاب جابۆ ئاماژەی بەوەدا کە ژنان بە هۆی عەقڵیەتی پیاوانەوە هەزاران ساڵە ئازاری زۆریان بەرکەوتووە و وتی: ژنان نەیانتوانی مافی خۆیان وەربگرن و ڕۆڵی خۆیان لە کۆمەڵگەدا بگێڕن، بەهۆی ڕێگری لە پێشکەوتنیان لە کۆمەڵگەدا، بەڵام لەگەڵ بڵاوبوونەوەی بیرۆکەی ئازادی، لە ناوچەی باکوور و ڕۆژهەڵاتی سووریا، ژنان سەریان بەرزکردەوە دژی نەبوونی ماف و دەستیان کرد بە داواکردنی مافەکانیان، بیر و تێڕوانین و شیکارییەکانی ڕێبەر ئۆجالان تەنیا بۆ گەلی کورد نییە، بەڵکو بۆ هەموو گەلانە، بۆیە ئێستا بووەتە ڕێبەرێکی نێودەوڵەتی.

 

"ئێمە لە خەباتی خۆمان ناوەستین"

سیهان ئیسماعیل جەختی کردەوە، ٤ی نیسان ڕۆژێکی گرنگە و پیرۆزبایی لە هەموو ئەو گەلانە کرد کە ئازادییان دەوێت و وتی: لە سایەی بیرۆکە و فەلسەفەی ڕێبەر ئۆجالان، بە دوای ئازادیدا ڕۆیشتین، ئەو دامودەزگایانەی کە مافی زیندانییەکانیان دەوێت، پێویستە لەگەڵ پارێزەر و بنەماڵەی ڕێبەر ئۆجالان کۆببنەوە و بەرپرسیارێتی خۆیان جێبەجێ بکەن، بۆ ئەمەش پێویستە فشار بخەنە سەر دەوڵەتی تورکیا و تا ڕێبەر ئۆجالان لە ڕووی جەستەییەوە ئازاد نەبێت، ئێمە خەباتمان ناوەستێنین.