مەدینە مامەدئۆغلو

 

ئامەد- ڕێپێوانی گەورەی ئازادی کە لە ١ی شوبات لەهەردوو باڵی وان و قەرسەوە بۆ داواکردنی ئازادی جەستەیی ڕێبەری گەلی کورد عەبدوڵا ئۆجالان و چارەسەری دیموکراسی بۆ پرسی کورد دەستیپێکرد، بە پەرۆشییەکی زۆرەوە لەلایەن گەلەوە پێشوازی لێدەکرێت بەردەوامە، سەرەڕای هەموو گەمارۆ و فشارەکان، ڕێپێوانەکە بە دروشمی "بژی بەرخۆدانی زیندان" بەردەوامەو لە ١٥ی شوبات لە ڕەحای شاری عەبدوڵا ئۆجالان کۆتایی دێت.

 

شاندەکە، بۆ هەر شوێنێک دەڕۆن، بەبێ ئەوەی بڵێن چیا و بەفرە بەردەوام بوون لە ڕێپێوانەکەیان و لە شەودا میوانی ماڵەکان بوون، لە ماڵەکاندا کۆبوونەوەیان کردو ئەم کۆبوونەوانە دەبنە کۆبوونەوەی گەل، ئەو شاندەی کە لەگەڵ گەل کۆدەبێتەوە، تێبینی داواکارییەکانی گەلی کردووە، ئەنجامەکان ئەوە دەردەخەن کە گەل بە خێرایی چاوەڕوانی چالاکییەکی لەو جۆرە بوون دژی گۆشەگیری، ئەو ژنانەی بەشدارییان لە ڕێپێوانی قەرس کرد ئاماژەیان بەوە کرد کە ڕێپێوانەکە سەرەتا و کۆتایی نابێت و ڕایانگەیاند  بەردەوام دەبن لە کارەکانیان لە هەموو بوارەکاندا.

 

کەزبان کۆنوکچو، پەرلەمانتاری پارتی دەم نارین گەزگۆر، و ئەندامی ئەنجومەنی جێبەجێکاری ناوەندی پارتی هەرێمە دیموکراتیکەکان "دەبەپە" باسی پرۆسەکەیان کرد.

 

"ڕێپێوانەکە تا ئازادی بەردەوام دەبێت"

کەزبان کۆنوکچو، پەرلەمانتاری پارتی دەم وتی: ئەم ڕێپێوانە ئازادییە لە سەرەتادا بۆ ئازادکردنی بەڕێز عەبدوڵا ئۆجالان بە شێوەیەکی جەستەیی ئەنجام دەدرێت، ئازادی جەستەیی بەڕێز عەبدوڵا ئۆجالان بەو مانایە دێت کە لە کوردستان هەنگاوی جدی بنرێت بۆ چارەسەرکردنی پرسی کورد، یەکێک لە گەورەترین پرسەکانی ئەم وڵاتە پرسی کوردە و ئێمە دەستمان کردووە بە ڕێپێوان بۆ چارەسەرکردنی بە شێوەیەکی دیموکراتیک، ئەم ڕێپێوانە ڕێپێوانێکە بۆ هەموو ئەوانەی لەم وڵاتەدا دەژین و ئاشتییان دەوێت، باش دەزانین کە ئەگەر ئازادی نەبێت، یەکسانی نابێت، ڕێپێوانەکەمان، کە لە دوو باڵەوە دەستمان پێکرد، گرنگییەکی گەورەی لەلایەن گەلەوە بەدەستهێنا، سەرەڕای هەموو فشارەکانی دەوڵەت، گەل بەتەنها بەجێیان نەهێشتین و هەمیشە لە مەیدانەکان بوون، بە دڵنیاییەوە ئازادی دێتە سەر ئەم خاکە و ئەم ڕێپێوانە تا ئازادی بەردەوام دەبێت.

 

"خەبات تەنها بە ڕێپێوان سنووردار نابێت"

کەزبان کۆنوکچو ڕایگەیاند، داواکارییە سەرەتاییەکانی گەل لابردنی گۆشەگیرییە و وتی: لەڕاستیدا گەل ڕێکخراوە، گەل دەزانن کە ئاشتی بە لابردنی گۆشەگیری دەست پێدەکات، بۆیە گەل زۆر دڵخۆشن بەو ڕێپێوانە، خەباتیشمان تەنها بە ڕێپێوان نابێت، دوای ڕێپێوانەکە، بەردەوام دەبین لە کۆبوونەوە. نەک تەنها بۆ هەڵبژاردن، بەڵکو دوای ئەوەش دەست بە خەبات دەکەین.

 

"کۆبوونەوەکانمان لەگەڵ گەل بە جۆش و خرۆشەوە تێپەڕین"

نارین گەزگۆر، ئەندامی ئەنجومەنی بەڕێوەبەرانی پارتی هەرێمە دیموکراتیکەکان "دەبەپە" ڕایگەیاند کە کۆبوونەوەکانیان لەگەڵ گەل زۆر بە پەرۆش و بەهێز بووە، وتی: ڕێپێوان لە هەموو پرسەکاندا زۆر گرنگە و پرۆسەیەکی نوێ دەستیپێکردووە، چاوەڕوانییەکی دیموکراسیانە هەیە بۆ چارەسەرکردنی پرسی کورد،  ڕێپێوانەکە ورەیەکی گەورەی بە گەل دا، بینیمان کە ئەوان ماوەیەکی زۆرە چاوەڕوانن و ئەمەش هێزێکی زۆری پێداوین، بۆ هەرکوێ بچین، لەگەڵ گەل کۆدەبینەوە، ئەم هەستە گەل شانازی پێوە دەکات، لەگەڵ ئەوەشدا، ئەوە گرنگە کە ڕێپێوانەکە تا چەند وەڵامی پرۆسەکە دەداتەوە، هەموو ڕۆژێک بەپێ دەڕۆیشتین، بۆ هەرکوێ دەچووین، بە باوەڕێکی گەورەوە پێشوازیمان لێکرا، کاتێک سەیری ئەوە دەکەین، دەبینین کە سیاسەتی جەنگی تایبەت هەمووان توڕە دەکات، گەل دەیانەوێت کۆتایی بەو سیاسەتانە بێت، بۆیە یەکەم داواکارییان هەڵگرتنی گۆشەگیرییە لەسەر بەڕێز عەبدوڵا ئۆجالان، گەل هیوای خۆیان دەربڕی، دەتوانین بڵێین ئەوان ڕێنماییان کردووین لە ڕێپێوانەکەماندا و لە کارەکانماندا لە ئێستاوە دەستپێبکەین.