ناوەندی هەواڵ

 

ئاژانسی هەواڵی فەڕەنسی لە زاری بەرپرسێكی ئەمنیی عێراقەوە ڕایگەیاند، ١٩٢ خێزانی عێراقی، کە کەسوکاری چەتەکانی داعش و كۆی گشتییان ٧٧٦ كەسە، لە كامپی هۆل لە نزیک حەسەکە لە باكوور و ڕۆژهەڵاتی سووریا بەرەو عێراق دەگەڕێنەوە.

 

ئاماژەی بەوەشكردووە، بۆ ئەم گەڕانەوەیە وەزارەتی كۆچ و كۆچبەرانی عێراق، هەماهەنگی لەگەڵ ئیدارەی خۆبەڕێوبەریی لە باكوور و ڕۆژهەڵاتی سووریا كردووە.

 

ئەمە لە کاتێکدایە، خۆبەڕێوەبەری داوای لەو وڵاتانە کردووە کە هاوڵاتییەکانیان لە کامپی هۆلە، ڕێوشوێن بگرنەبەر بۆ گەڕاندنەوەیان بۆ وڵاتەکەیان، لە ماوەی ڕابردووشدا هەریەک لە وڵاتانی فەرەنسا و عێراق گروپێک لە دانیشتووانی کەمپەکەیان بۆ وڵاتەکەیان گەڕاندووەتەوە.