سۆرگوڵ شێخۆ

 

قامیشلۆ- گۆڤاری ئاسۆی ژنان، کە بە زمانی عەرەبی بڵاو دەکرێتەوە، لە ٢٠ی ئایاردا یەکەم ژمارەی بڵاوکردەوە و هەوڵدەدات بگاتە هەموو ژنان، گۆڤارەکە کە هەموو دوو مانگ جارێک بە ناوی ژنانی باکوور و ڕۆژهەڵاتی سوریا بڵاودەکرێتەوە، ئایدیۆلۆژی، سیاسی و کولتوورییە، نێرگز ئیسماعیل، سەرنووسەری گۆڤاری ئاسۆی ژنان باسی ئامانجەکانی گۆڤارەکەی کرد. 

 

لە باکوور و ڕۆژهەڵاتی سوریاوە هەتا حەلەب و دیمەشق

لە سەرەتای قسەکانیدا نێرگز ئیسماعیل پیرۆزبای گەیشتنی یەکەم ژمارەی گۆڤارەکەی لە باکوور و ڕۆژهەڵاتی سوریاوە بۆ حەلەب و دیمەشق کردو باسی لە ئامادەکارییەکانی دامەزراندنی گۆڤارەکە کرد: لەگەڵ پڕۆسەی دەرکردنی گۆڤارەکە، ئامادەکارییەکان لە ساڵی نوێوە دەستیپێکردووە، تیمەکەی پەروەردە کران، ئەو مەرجانەی کە دەمانەوێت لە مەیداندا بن و زیادیان بکەین بۆ گۆڤارێک بۆ ژنان لە بواری ژناندا، بەشی نووسراو، بە دڵنیاییەوە، کێشە و خۆشییەکانیش هەبوون، هەروەک دایکێک بۆ ماوەی نۆ مانگ منداڵەکەی بە خۆشەویستییەکی زۆرەوە گەورە دەکات، ئەم پڕۆسەیەش تێپەڕی، لە هەمان کاتدا، ئەو هەنگاوانەی کە لە ڕۆژنامەکاندا گیراون، لە هەموو بەشەکانی بینراو و ئاژانس و تەلەفزیۆندا، هەموویان بە خەباتێکی گەورەوە پەرەپێدەدرێن.

 

جیاوازی و ئامانجەکانی ئاسۆی ژنان

نێرگز ئیسماعیل سەرنجی خستە سەر کاریگەری و جیاوازی گۆڤاری ئاسۆی ژنان لە سەدەی ٢١دا و وتی: ڕاستییەکی وا هەیە کە سەدەی ٢١ سەدەی پێشکەوتنی تەکنیکی و دیجیتاڵییە، زۆرێک لە گۆڤارەکان بە زمانی عەرەبی لە زۆربەی وڵاتانی عەرەبی بەردەستن، لەوانە سوریا و ڕۆژهەڵاتی ناوەڕاست، بەڵام ناوەڕۆکی ئەو گۆڤارانە چییە؟ چۆن دەیانەوێت پەیامێک بنێرن و ئەوەی بە ژنان دەڵێن گرنگە، ئامانجی ئەم گۆڤارانە دڵنیابوونەوە بوو لەوەی کە ژنان خۆیان لە ڕووی ڕۆح و مێشک و ئایدۆلۆژیاوە ناناسنەوە، تەنها بۆ ئەوەی خۆیان لە ڕووی جوانی دەرەکییەوە ببینن و بناسن. ئەوان دوورن لە بیرکردنەوە لە پێنووسی ژنان و ئایدۆلۆژیای ئازادی ژنان، بۆیە جیاوازی ئاسۆی ژنان ئەوەیە کە جوانی و زانستی ژنان پێناسەی ژنانە لە ڕێگەی ئاستی سیاسی و کولتوورییەوە، ئامانجی ئێمە لە کەسایەتی ژنان پێناسەکردنی ژیان و کۆمەڵگەیە، پێناسەی ڕاستی، کە هەزاران ساڵە شاردراوەتەوە، دەمانەوێت خۆمان بە پێنووسێکی ژنان پێناسە بکەین بۆ ئەوەی بتوانین خۆمان بە بەرنامەی باش، دەق و وتار پێناسە بکەین.

 

دروشمی گۆڤارەکە بریتییە لە فەلسەفەی "ژن، ژیان، ئازادی"

نێرگز ئیسماعیل، تیشکی خستە سەر دروشمی گۆڤارەکە و وتی: فەلسەفەی "ژن، ژیان، ئازادی" وەک دروشمێک نییە، بەڵکو پێوانەی ژیانی ئازاد و فەلسەفەی پێناسەکردنی ژنێکی ئازادە، فەلسەفەی "ژن، ژیان، ئازادی" لە ڕۆژئاواوە بۆ باکوور و ڕۆژهەڵاتی سوریا تا گەیشتن بە ئێران و ڕۆژهەڵاتی کوردستان لەوێوە بۆ ڕۆژهەڵاتی ناوەڕاست، هەروەها لە پەرتوکەکەدا دەمانەوێت خەبات و ڕاپەڕینەکانی هەموو ژنان لەژێر دروشمی "ژن، ژیان، ئازادی" پێناسە بکەین، کە گەڕانێک لە ناوەڕۆکەکەیدا دەگرێتەوە، نووسەرەکانمان لە ژنانی کورد، عەرەبی و سوری پێکهاتووە، هەموو ئەوەی ئاماژەمان پێدا، ئەو ژنانە بە وشەی خۆیان بۆ گۆڤارەکەمان نووسیویانە، ئامانجێکی دیکە ئەوەیە کە گۆڤاری ئاسۆی ژنان بناغەی پەروەردە و خۆ پەروەردەکردنە بۆ ژنان.

 

"ئەم پرۆسەیە پێویستی بە پێنووسی ژنانە"

نێرگز ئیسماعیل ئاماژەی بەوەکرد،ل باکوور و ڕۆژهەڵاتی سوریا پێویستی بە پێنووسی ژنان هەیە و وتی: سەرەڕای ئەوەی چەندین ئاژانس و تەلەفزیۆن و ڕادیۆ لە میدیاکانی ژناندا دامەزراون، بەڵام پرۆسەی ئێستا پێویستی بە گۆڤار و پێنووسی ژنانی ئازاد هەیە، زۆر گرنگە کە ژنان خۆیان پێناسە بکەن، لە سوریا، بەتایبەتی لە باکوور و ڕۆژهەڵاتی سوریا، لە ماوەی حکومەتی شامدا، ژنان نەیانتوانی بەشداری لە ڕۆژنامەگەریدا بکەن و ئاسۆی ئازادیان هەبێت، نووسین هەبوو، بەڵام بەگوێرەی مێشک و ویژدانی سیستمی ناوەندی و دەوڵەت، ژنان لەو کاتەدا ئازاد نەبوون لەوەی بتوانن ئاسۆکانیان لەسەر لاپەڕەکان پۆلێن بکەن، بەڵام ئێستا ئەوان ڕیکۆرد و بەربەستەکانیان شکاندووە.

 

"پەیوەندییەکانمان لە زیادبووندایە"

نێرگز ئیسماعیل ڕایگەیاند کە ئەوان پەیوەندییان لەگەڵ وڵاتانی بیانیدا هەیە بۆ ئەوروپا و ئامانجی خۆیان ڕاگەیاند: یەکەم ژمارەی نووسەرانمان خەڵکی باکوور و ڕۆژهەڵاتی سوریا بوون، لەگەڵ ئەوەشدا، ئێمە پەیوەندیمان هەیە لەگەڵ ژنانی وڵاتانی بیانی وەک ئەوروپا و نووسەرانی ژنی عەرەبی کە بەڕاستی بەدوای ژنێکی ئازاد و کۆمەڵگەیەکی ئازاددا دەگەڕێن، لەو کاتەدا، ئەم ژنانە بەشداری لە گۆڤارەکەمان دەکەن بە وتارەکانیان، جێگه ی شانازی و سەرکەوتنه بۆ گۆڤاری ئاسۆی ژنان که هەموو ژنان له ئامێز بگرێت و ئەزموونی ژیان و ئازادی ژنان له زۆر وڵات بەیەکەوه بڵاو بکاتەوه.

 

"گۆڤارەکەمان گەیشتە بەردەستی هەموو ژنان"

نێرگز ئیسماعیل خۆشحاڵی خۆی دەربڕی بە بیرکردنەوەکانی ژنان لە کاتی وەرگرتنی گۆڤارەکەدا و وتی: خۆشحاڵم کە گۆڤارەکەمان گەیشتووەتە دەستی هەموو ژنانی هەموو ناوچەکانی وەک دێرەزۆر، مەنبج، تەبقا و ڕەققە کە تازە ئازادکراون، ئەوە بیرکردنەوەیەکی زۆر کاریگەر بوو، کاتێک گۆڤارەکەمان پێشکەش بە دایکێک کرد و خستمانە ناو جانتاکەیەوە و پێمان وت: "ئەوە بۆ ئێمە زۆر بەمانایە" بەپێی بارودۆخی وڵات و ژنان، ئێمە بەردەوام دەبین لە بڵاوکردنەوەی گۆڤارەکە بە بیرۆکە و ئایدۆلۆژیای خۆی و گەیشتن بە هەموو ژنان، کاتێک ژنان گۆڤارەکەیان وەرگرت، دڵخۆشییەکی نائاساییان نیشاندا، لە هەر ژمارەیەکدا، گۆڤارەکە خاوەنداری فەلسەفەی "ژن، ژیان، ئازادی"یە.