بەهاران لاهیب

 

لۆگار- لۆگار یەکێکە لە ویلایەتەکانی باشووری ئەفغانستان کە چەند کیلۆمەترێک لە کابولی پایتەختی ئەفغانستانەوە دوورە، سەرەڕای بوونی ژمارەیەکی زۆر لە دانیشتوانی خوێندەوار لەو پارێزگایە، بەڵام هاوشێوەی پارێزگاکانی دیکەیە کە دانیشتوانەکەی لە هەژارییەکی زۆردا دەژین و بە کاری کشتوکاڵ و بەخێوکردنی ئاژەڵەوە سەرقاڵن.

 

لە سەردەمی حوکمڕانی حەمید کارزای و ئەشرەف غەنی جێنشینی، زۆربەی شارۆچکەکان لەلایەن تاڵیبانەوە حوکمڕانی دەکرا، کە بەربەستێکی گەورە بوون لەبەردەم پەروەردەی ژناندا، هەرچەندە ئەشرەف غەنی لە ناحیەی لۆگار لەدایکبووە و سەر بە گەلی پشتونە، بەڵام زۆربەی کاتەکان لەلایەن بریکارەکانی دابەشکارییەوە بانگەشەی ئەوە دەکرێت کە گەلی پشتون هۆکاری هەموو بەدبەختییەکانی ئەفغانستانن.

 

خەڵکی ویلایەتی لۆگار بە هەمان ئازاری تاجیک و هەزارە و ئیماق و بەلوچی و ئەوانی ترەوە دەناڵێنن، لەبەر ڕۆشنایی تاڵانکردنی یەکێک لە گەورەترین و دەوڵەمەندترین کانەکانی مس لە جیهاندا کە ناوی ئایناکە، لەلایەن کۆمپانیا چینییەکانەوە بە هاوکاری لەگەڵ سیاسەتمەدارانی پێشوو و ئێستا، خەڵکی ئەم پارێزگایە بەدەست هەژاری و بێبەشی دەناڵێنن.

 

ژمارەیەکی زۆر لە پیاوانی ئەو ویلایەتە لە ڕیزەکانی سوپا، پۆلیس، ئاسایشی نیشتمانی (دەزگای هەواڵگری پێشووی ئەفغانستان) و بەشە سەربازییەکانی دیکە دادەنران، کە لە کاتی شەڕی نێوان تاڵیبان و حکومەتی کارزای و غانی بەشێکی زۆریان گیانیان لەدەستدا.

 

بۆ ئامادەکردنی ڕاپۆرتێک لەسەر بارودۆخی خەڵکی پارێزگای لۆگار و ئاگادارکردنەوەی جیهان لە ئازارەکانی خەڵکی ئەم پارێزگایە لە ماوەی ٢٠ ساڵەی دەسەڵاتی حکومەتی کارزای و غانی و بەردەوامی دەسەڵاتی تاڵیبان، ئاژانسەکەمان چاوپێکەوتنێکی ئەنجامدا لەگەڵ وەسیلە نەسیم، یەکێک لەو ژنانەی لە پارێزگای لۆگار تووشی گۆشەگیری و نادادپەروەری بووە.

 

وەسیلە نەسیم هاوژینی پیاوێکی هێزی تایبەتی ئەفغانییە و دایکی دوو کچە کە یەکێکیان تەمەنی پێنج ساڵە و ئەوی دیکەشیان تەمەنی سێ ساڵە و کچە گەورەکەی تووشی تێکچوونی دەروونی بووە، سەبارەت بە ژیانی خۆی، وەسیلە نەسیم دەڵێت: هەرێمەکەمان یەکێک بوو لەو ناوچانەی کە تاڵیبان حوکمیان نەدەکرد، بەڵام لە هەموو شوێنێک تاوانەکانیان ئەنجام دەدەن و سەرباز و خەڵکی سڤیل دەکوژن.

 

هاوژینەکەی وەسیلە نەسیم لە نزیک ماڵەکەی خۆی لە بۆسەی تاڵیبان کەوتە بۆسە و کوژرا، کاتێک بۆ ماوەی چەند ڕۆژێک بۆ پشوودان بۆ سەردانی خێزانەکەی دەچوو، تەرمەکەی لە نزیک بیری ئاوەکە دانرا و خێزانەکەی دوای چەند کاتژمێرێک دۆزییانەوە، خێزانەکە تاکە بژێوی ژیانی خۆیان لەدەستدا و وەسیلە نەسیم سووکایەتی پێکرا و وەلانرا، تاڵیبانیش پێیان وت کە هاوژینەکەی دوژمنە و مافی ئەوەشی نییە مووچەکەی وەربگرێت.

 

وەسیلە نەسیم دەڵێت: دوای ئەو مامەڵە خراپەی لەلایەن تاڵیبانەوە کرا، من و خەزوورم بڕیارماندا کار لەسەر پارچە زەوییەکەمان بکەین، هەوڵ دەدەم کچەکانم خوێندەوار بکەم، ئەگەر تاڵیبان ڕێگەی پێنەدات، چارەسەرێک بۆیان دەدۆزینەوە کە فێری خوێندنەوە و نووسین بن بۆ ئەوەی بتوانن لەسەر پێی خۆیان بوەستن، نەوەی نوێ دەبێت زێدی خۆیان بنیاد بنێن، چونکە تاڵیبان ناتوانێت ئەو کارە بکات.