سنە

 

دوێنێ، ٣ی ئادار لە چیای ئاویەر لە شاری سنەی ڕۆژهەڵاتی کوردستان، ژنان پێشوازییان لە ٨ی ئادار، ڕۆژی جیهانیی تێکۆشانی ژنان کرد، کە هەموو ساڵێک لەو شارە بە چالاکی و ڕێبازی جیاواز، سەرباری ڕێگری و فشارەکانی ڕژێمی ئێران بەرز ڕادەگیریت، ژنانی سنە لە ناوچە جیاوازەکاندا بە وتنەوەی دروشم و خوێندنەوەی بەیاننامە و گردبوونەوە لە شوێنە تایبەتەکاندا پشتیوانی خۆیان بۆ ئەم ڕۆژە نیشان دەدەن.

 

ئەمساڵ ٨ی ئادار هاوکاری شۆڕشی ژینایە، کە بە پێشەنگایەتی ژنان هەڵگیرسا و ژنانی کورد و ژنانی ئێرانی ئاڵا هەڵگری ئەو شۆڕشە بوون و دڵی دیکتاتۆری گەورەی ڕۆژهەڵاتی ناوەڕاست و جیهانیان هەژاند.

 

ئێستا لە سەروبەندی ٨ی ئاداردا چی دەتوانێت ڕێگری لەو ژنانە بکات کە ئاگاداری مافەکانیانن؟ ژنانی دیکەی ئێران و بەتایبەت ژنانی کورد بە زوڵمی ڕژێمی ئیسلامی ئێران دەزانن و بەرەنگاری بە ئەرکی خۆیان دەزانن، دوور نییە لە ساڵانی دواتردا شۆڕشی "ژن، ژیان، ئازادی" مێژوویەکی هەبێت بۆ یادکردنەوە، ببێتە ئەو ڕۆژەی کە ژنان لە ئێران ڕاپەڕین.