ناوەندی هەواڵ

 

ئەمڕۆ، ١٨ی حوزەیران، گروپێک لە ژنانی ناڕازی لە ئەفغانستان بە ناوی "گروپی یەکێتی و یەکگرتنی ژنانی ئەفغانستان" گردبونەوەیەکی ناڕەزایەتییان لە ماڵێکدا لە کابولی پایتەختی ئەفغانستان ئەنجامدا و داوای مافەکانی ژنانیان کرد و داوایان لە کۆمەڵگای نێودەوڵەتی کرد ئەفغانستان لەبیر نەکەن.

 

لە دوای خۆپیشاندانەکانی پێشوویان لەسەر ئەو کۆت و سنورانەی کە لە ئەفغانستان بەسەر ژناندا سەپێنرابوو، ژنان بە وتنەوەی دروشمەکانی وەک "ئێمە دەمێنینەوە و دروستی دەکەین"، "ماڵ بە ماڵی ئێمە دەبێتە شوێنی خۆپیشاندان" و "بەردەوام دەبین تا دەگەینە مافەکانمان" هەڵوێستی خۆیان دژی کۆت و بەند و یاساکانی تاڵیبان نیشاندا.