نورشین عەبدی

 

کۆبانێ- ناوەندی لێکۆڵینەوە بۆ ڕەگەزی کۆمەڵایەتی لە ٦ی ئاداری ٢٠١٩ لە هەرێمی فورات لە باکوور و ڕۆژهەڵاتی سووریا بە مەبەستی بەدیهێنانی یەکسانی و دادپەروەری و پێکەوەژیانی نێوان ڕەگەزەکان دامەزراوە، ناوەندەکە بە ئامانجی پاراستنی ناسنامە و کەسایەتی ژنان کار دەکات و لەسەر بابەتەکانی توندوتیژی، فرەژنی، هاوسەرگیری پێشوەختە کە پەیوەندی بە ژنانەوە هەیە، هۆشیاری بڵاو دەکاتەوە.

 

ناوەندی لێکۆڵینەوە بۆ ڕەگەزی کۆمەڵایەتی توێژینەوەیەکی لەسەر هۆکارەکانی توندوتیژی و جۆرەکانی و ئەوەی کە ژنان تووشی دەبن ئەنجامدا، سدیقە خەلۆ، ئەندامی ناوەندەکە لە کۆبانێ وتی: کارەکانمان پەیوەندی بە لێکۆڵینەوەی بەرفراوانەوە هەیە، لەسەرەتادا پێداویستییەکانی ژنان لە کۆمەڵگە و بوارەکەدا دەستنیشان دەکەین و بەتایبەت هەوڵی چارەسەرکردنی ئەو کێشانە دەدەین کە ڕێگرن لە گەشەسەندنی ژنان.

 

توندوتیژییەکان بەردەوامن

سدیقە خەلۆ سەبارەت بە هۆکارەکانی لێکۆڵینەوەکانی ناوەندەکە وتی: هەر کارێک کە ئەنجامی بدەین دەبێت هۆکاری باوەڕپێکەری هەبێت، لە باکوور و ڕۆژهەڵاتی سووریا هاوکات لەگەڵ شۆڕشی ژنان لە ڕۆژئاوا کار لەسەر ژنان و کۆمەڵگە لە زۆر بواردا کراوە، لەم هەرێمەدا هەرچەندە ژمارەی سکاڵاکان کەمە، بەڵام دەزانین توندوتیژی دژی ژنان بەردەوامە و ئێمە لە ڕێگەی لێکۆڵینەوەکانەوە بۆمان دەرکەوت توندوتیژی لە ناوچەکانماندا بڵاوبووەتەوە، کە لە هەندێک حاڵەتدا دەبێتە هۆی کۆمەڵکوژی ژنان، لەم دواییانەدا ژنێک کە لە ئەنجامی ئەو توندوتیژیانە ناچار بوو خۆی بکوژێت، ناچاری کردین لێکۆڵینەوەکانمان لەسەر دیاردەکانی توندوتیژی لە ناوچەی فورات بە گشتی فراوانتر بکەین.

 

"پێویستە بۆ داهاتوویەکی ئازاد توندوتیژی کۆتایی بێت"

سدیقە خەلۆ ئاماژەی بەوەدا، کە توندوتیژی دژ بە ژنان و منداڵانی کچ چەندین جۆری هەیە و وتی: توندوتیژی دەروونی جەستەیی دژی ژنان و منداڵانی کچ لەلایەن هاوژین و باوک و براوە ئەنجام دەدرێت، توندوتیژی سەرەتا کاریگەری لەسەر ژنان دەبێت و دواتر هەموو کۆمەڵگە دەگرێتەوە، ژنان لە ماڵەوە و لە شوێنی کارەکانیان ڕووبەڕووی توندوتیژی جەستەیی و دەروونی دەبنەوە، بەردەوامی ئەم جۆرە توندوتیژیانە کاریگەری لەسەر نەوە نوێیەکانیش دەبێت، بۆیە بۆ کۆمەڵگەیەکی ئازاد و داهاتوویەکی ئازاد پێویستە سەرەتا کۆتایی بە توندوتیژی بهێنین و ژنان و کچان لە هەر جۆرە ئایدۆلۆژیایەکی دواکەوتوو ڕزگار بکەین.

 

"ڕووداوەکانی توندوتیژی بەڵگە کراوە"

سدیقە خەلۆ سەبارەت بەو شیکاری و لێکۆڵینەوەیانەی لەسەر دیاردەی توندوتیژی ئەنجامدراون، وتی: جگە لە هۆکارەکانی توندوتیژی دژی ژنان، تەمەنی قوربانییە ڕاستەقینەکانی توندوتیژیش لە شیکارییەکەدا دیاری کرابوو، لێکۆڵینەوە لەسەر بنەمای چیرۆکی ڕاستەقینە و دیدار و گفتوگۆ لەگەڵ ئەو ژنانە ئەنجامدرا، بە هاوکاری ماڵی ژنان و ڕێکخراوی سارا بۆ بەرەنگاربوونەوەی توندوتیژی دژی ژنان و ناوەندەکانی تایبەتمەند لە پاراستنی پرسی ژنان و هێزەکانی ئاسایشی ناوخۆ دژی ژنان، لە گرنگترین هۆکارەکانی بڵاوبوونەوەی دیاردەی توندوتیژی دژی ژنان دەتوانین عەقڵیەتی پیاوسالاری و نەریتوداب و نەریتە دواکەوتووەکان بخەینە لیستی کارەکانەوە، بە مەبەستی نەهێشتنی دیاردەی توندوتیژی دژ بە ژنان.