ناوەندی هەواڵ

 

شەڕی بەردەوام لە ئۆکراینا بۆ ماوەی نزیکەی ساڵ و گ مانه نزیکەی حەوت ملیۆن منداڵی لە مافی خوێندن لە ناوەوە و دەرەوەی وڵاتەکە بێبەش کردووە.

 

ڕێکخراوی یونیسێف ڕۆژی ٢٩ی ئاب ڕایگەیاند، هێرشە بەردەوامەکان بۆ سەر پەروەردە لە ئۆکراینا و نزمی ناو تۆمارکردن لە قوتابخانەکان بوونەتە هۆی ئەوەی ٦.٧ ملیۆن منداڵ لە تەمەنی ٣ بۆ ١٨ ساڵیدا بێ خوێندن بن.

 

ڕێجینا دی دۆمینیکس، بەڕێوەبەری هەرێمی یونیسێف بۆ ئەوروپا و ئاسیای ناوەڕاست ئاشکرایکرد، منداڵان لە ئۆکراینا نیشانەکانی بێبەشبوونی فێربوونیان نیشانداوە، لەوانە خراپبوونی ئەنجامەکانی فێربوونی زمانی ئۆکرانی و خوێندنەوە و بیرکاری، وتیشی: هێرشەکان بۆ سەر قوتابخانەکانی ناو ئۆکرانیا "بەبێ کەمبوونەوە بەردەوام بوون" و منداڵان لە شوێنە پارێزراوەکان بێبەش دەکەن بۆ فێربوون.

 

"توانای خوێندکاران خراپتر بووە"

بەپێی دوایین زانیارییەکان، نزیکەی ٥٧٪ی مامۆستایان ڕاپۆرتیان داوە کە توانای خوێندکاران خراپتر بووە، بەتایبەتی لە ئۆکراینا، نزیکەی ٤٥٪ی مامۆستایان ڕاپۆرتی کەمبوونەوەی توانای بیرکاری منداڵانیان داوە، هەروەها ٢٥٪ی مامۆستایان ڕاپۆرتیان داوە کە توانای زمانە بیانییەکان کەمبوونەوەیان هەیە.

 

ئاماژە بەوەشکراوە، ئەو منداڵانەی پەنابەرن کە لە قوتابخانە ناوخۆییەکان تۆمار نەکراون هەوڵدەدەن لە دوورەوە بخوێنن، یان لە ڕێگەی بەرنامەی خوێندنی ئۆکرایناوە یان لە ڕێگەی پلاتفۆرمەکانی دیکەی فێربوونی دوورییەوە، هەندێک لە منداڵانی پەنابەر لەوانەیە وازیان لە خوێندن هێنابێت.

 

یونیسێف ڕایگەیاند لەگەڵ حکومەتەکان و هاوبەشەکانی ئۆکراینا و ئەو وڵاتانەدا کاردەکات کە میوانداری منداڵانی پەنابەر و خێزانەکان دەکەن بۆ یارمەتیدان لە زیادکردنی پێڕاگەشتن بە فێربوونی جۆرایەتی و ئاماژەی بەوەشکرد کە ئەو هاوکارییە بریتییە لە پشتیوانیکردنی بەشداریکردنی منداڵان لە سیستمی پەروەردەی نیشتمانیدا و دابینکردنی چەندین ڕێگای فێربوون بۆ ئەو منداڵانەی کە لە ئێستادا ناویان تۆمار نەکراوە، ئەمەش مانای ئەوەیە کە مامۆستایان و کارمەندانی قوتابخانە، بە دابینکردنی زمان و تەندروستی دەروونی و پشتیوانی دەروونی و کۆمەڵایەتی، یونیسێف لەگەڵ دەسەڵاتدارانی ئۆکراینا کاردەکات بۆ پشتگیریکردنی چاکبوونەوەی فێربوون و ڕێکخستنی لەگەڵ ستانداردە هەرێمییەکان بۆ لابردنی بەربەستەکان لەبەردەم پەروەردەدا.