ناوەندی هەواڵ

 

پلاتفۆرمی ڕۆژنامەنووسی ژنی مێزۆپۆتامیا "MKGP" ڕاپۆرتی خۆی دەربارەی پێشێلکردنی مافەکانی ژنانی ڕۆژنامەنووس لە مانگی نیسان و ئایار و حوزەیران بڵاوکردەوە، ڕایگەیاند کە ژنانی ڕۆژنامەنووس ڕووبەڕووی فشار و دەستگیرکردن و توندوتیژی و دەستگیرکردن بوونەتەوە، بەڵام ژنانی ڕۆژنامەنووس سەرەڕای هەموو فشارەکان هەوڵ دەدەن کارەکانیان ئەنجام بدەن.

 

بۆ ڕاستییەکان هەنگاو بۆ دواوە نانێن

لە ڕاپۆرتەکەدا هاتووە: وەک هەمیشە توندوتیژی پیاوان و دەوڵەت لە پێشەوەی ئەم پرۆسەیەدا بووە و لە ژینگەیەەکی وادا ژنانی ڕۆژنامەنووس کارەکانیان ئەنجام داوە و بەردەوام بوون لە کارەکانیا، هەرچەندە هەوڵ درا بۆ ڕێگریکردن لە ژنانی ڕۆژنامەنووس، بەڵام لەو ڕاستییە پاسگەز نەبوونەوە کە بەدوایدا دەگەڕان، لە شەش مانگی یەکەمی ساڵی ٢٠٢٣ دا، ژنانی ڕۆژنامەنووس ڕووبەڕووی سیاسەتی زایەنپەرستی و دوژمنایەتی بەرامبەر ژنان بوونەتەوە لە بوارەکاندا.

 

هەروەها تیشک خراوەتەسەر توندوتیژی دژ بە ژنانی ڕۆژنامەنووس لە ٣ی ئایار، ڕۆژی جیهانی ئازادیی ڕۆژنامەگەری، هەروەها ڕاپۆرتەکە باس لە دەستگیرکردنی دیجلە موفتوئۆغڵو، هاوسەرۆکی کۆمەڵەی ڕۆژنامەنووسانی دیجلە فیرات دەکات لە ٣ی ئایار.

 

٢٥ ڕۆژنامەنووس دادگایی کران

بەگوێرەی ڕاپۆرتەکە، لە ماوەی سێ مانگی ڕابردوودا ٢٥ ڕۆژنامەنووس دەستبەسەرکران، دوو ڕۆژنامەنووس دەستگیرکران و ڕۆژنامەنووسێک سزادرا، بەگوێرەی ڕاپۆرتەکە، لانیکەم ١٣ ڕۆژنامەنووسی ژن لە زیندانە جیاوازەکاندا دەستگیرکراون.

 

"دەستبەجێ ئازادیان بکەن"

لە ڕاپۆرتەکەدا هاتووە : ئێمە وەک پلاتفۆرمی ژنانی ڕۆژنامەنووسی میزۆپۆتامیا دەمانەوێت هەموو ڕۆژنامەنووسانی ئەم وڵاتە بە ئازادی پیشەی ڕۆژنامەوانی خۆیان ئەنجام بدەن و دەستبەجێ هەموو ئەو هاوڕێیانەمان ئازاد بکەن کە بە شێوەیەکی نادادپەروەرانە زیندانی کراون.

 

ناوی ئەو ڕۆژنامەنووسانەی کە دەستگیرکراون بەم شێوەیە بوون:

دەریا ڕەن - پەیامنێری ژن نیوز

 

دیجلە موفتوئۆغلو - هاوسەرۆکی DFG

 

دیلان ئۆیناش – کارمەندی ڕۆژنامەی ئازادی وڵات

 

ئەلیف ئەرسۆی - سەرنوسەری گۆڤاری یوروشیوس

 

ئەلیف ئونگور - پێشکەشکاری بەرنامە

هاتیجە دومان - سەرنوسەر و خاوەنی ڕۆژنامەی ئەتیلیم

 

نادیە گوربوز – هەواڵسازی ETHA

 

نەشێ تۆپراک - پێشکەشکاری بەرنامە

 

ئۆزلەم سەیهان – ڕۆژنامەنووس

ڕەمزیە تەمەل- ژمێریار

 

سیبەل مستەفائۆغلو –کارمەندی ڕۆژنامەی ئازادی وڵات

تولای جانپۆلات - پەیامنێری ڕۆژنامەی سەباح ئەنقەرە

 

ئۆزدین کیک - کارمەندی TRT.