جۆن ویلیام واتەرهاوس نیگارکێشێکی داهێنەری ئیتاڵییە، لە ساڵی ١٨٤٩ لەدایکبووە، بەهرەی وێنەکێشانی لە منداڵییەوە دەرکەوتووە، یەکەم وانەی وێنەکێشان و پێکهاتە و دیدگا و ڕەنگی لە باوکیەوە وەرگرتووە.

 

هونەرمەند جۆن واتەرهاوس لە تەمەنی ٢١ ساڵیدا سەرکەوتوو بوو لە دەرچوون لە تاقیکردنەوەکانی ئەکادیمیای شاهانەی هونەری بەریتانیا، دواتر بەشداری لە زۆرێک لە پێشانگاکاندا کرد و زۆرجار پاڵەوانی تابلۆکانی، ئەفسانە کۆنەکان بوون و لە بەردەم پاشخانێکدا نیگاری دەکێشا، ژنانی دەکێشا کە ژنانی بەهێزی چیرۆکە کارەساتبارەکانن.

 

جۆن واتەرهاوس بە خێرایی پەرەی بە شێوازەکەی دا، بە شێوەیەکی هاوئاهەنگ کلاسیک، ڕۆمانسیزم، فانتازیا و واقیعی تێکەڵ کرد و هەندێک لە بەرهەمەکانی دەتوانرێت لە چوارچێوەی ستایلی ئیمپڕێشنیستیدا پۆلێن بکرێت.

 

لە ماوەی ژیانیدا نزیکەی ٢٠٠ تابلۆی کێشاوە کە تەوەری ئەفسانەیی و مێژوویی و ئەدەبی بەرجەستە بوون و لە چەندین پێشانگای جیهاندا نمایشکراون و لە هەموو شوێنێک سەرکەوتنی گەورەیان بەدەستهێناوە، لە دیارترین و گرنگترین تابلۆکانی تابلۆی "پێریستایل"ە، کە لە ساڵی ١٨٧٤دا کێشراوە و کچێکی گەنجی کچانی پاشا کۆنەکانی تێدا بەرجەستە کردووە، کە پێدەچێت دیزاینی کۆشکەکەی پشتی کردبێت تیایدا دەژی و خۆراک بە کۆترەکانی دەدات.