ناوەندی هەواڵ

 

٧ی حوزەیران، بەپێی ڕاگەیاندراوێک، سەمییە سادق، مەعسومە قاسمی، مینا خواجوی قمی، ملیحە نەزەری و سێ هاوڵاتی دیکە بە کۆی گشتی ٢٨ ساڵ زیندانی و سزای ماددی، بێبەشکردن لە مافی کۆمەڵایەتی و قەدەغەکردنی دەرچوون لە وڵاتی ئێران سزادران.

 

لەو ڕاگەیەندراوەدا کە لەلایەن لقی ٢٦ی دادگای شۆڕشی تارانەوە بۆ پارێزەری هەندێک لەو هاوڵاتیانە نێردراوە، مینا خواجوی و ملیحە نەزەی بە ٦ ساڵ زیندانی و مەعسومە قاسمی و فەرهاد خەزای بە ساڵێک زیندانی سزادراون.

 

هەروەها هەریەک لە سالار ئەشرافی مقەدەم و سەمییە سادق بە نزیکەی ٤ ساڵ زیندانی سزادراون، سەمییە سادق سزاکەی بە ٤٠ ملیۆن تومەنی ئێرانی سەپێچی ماددی گۆڕا، لەگەڵ ئەوەشدا جۆزێف شەهبازیان بە ١٠ ساڵ زیندانی و بێبەشکردنی مافی کۆمەڵایەتی و قەدەغەکردنی دەرچوون لە ئێران و قەدەغەکردنی ئەندامێتی لە حزب و گروپەکاندا سزادراوە.

 

ئەو تۆمەتانەی سزای هاوڵاتییە مەسیحییەکانی پێدراوە بریتییە لە "دامەزراندنی گروپ و ڕێکخراوی نایاسایی بە مەبەستی تێکدانی ئاسایشی ئێران، نواندن دژی ئاسایشی نەتەوەیی بە پڕوپاگەندەی مەسیحییەت و دامەزراندنی ناوەندی مانەوە لە کڵێسادا".