ناوەندی هەواڵ

 

٣ی کانوونی دووەم، کاتژمێر ١٢:٠٠ بە کاتی ئەوروپا مەراسیمێکی جەماوەری لەلایەن بزووتنەوەی ژنانی کوردی ئەوروپا-تەژەکەئە و کۆنگرەی کۆمەڵگە دیموکراتییەکانی کورد لە ئەوروپا- کەجەدەکەئە بۆ ماڵئاوایی کردن لە شەهیدان، ئەڤین گویی-ئامینە کارا، ئەندامی ئەنجومەنی بەڕێوبەری کەجەکە، میر پەروەر، ئەندامی یەکێتی هونەرمەندانی کورد و عەبدولڕەحمان کزل، وڵاتپارێز بەرەو زێدی خۆیان ساز دەکات.

 

مەراسیمەکە لە هۆڵی ڤیلیێرس لە 12 bis Avenue des Entrepreneurs، 95400 Villiers-le-Bel، فەرەنسا بەڕێوەدەچێت، هەروەها گردبوونەوە و ڕێپێوان لە ڕۆژانی ٧-٩ی کانوونی دووەم لە پاریس دژی کۆمەڵکوژیەکانی پاریس ڕێکدەخرێت.

 

بڕیارە دوای مەراسیمەکە، ئەمینە کارا بگوازرێتەوە بۆ مەخمور، میر پەروەر بۆ مووش و عەبدولڕەحمان کزل بەرەو قارس ماڵئاواییان لێبکرێت.

 

بانگەوازی بۆ بەشداریکردن دەکرێت

تەژەکە-ئە و کەجەدەکە-ئە لە بەیاننامەیەکی هاوبەشدا، داوایان لە گەلی کورد و دۆستانیان کرد بەشداری لە مەراسیمەکەدا بکەن، جەختکرایەوە کە "خەباتێکی سیاسی و کۆمەڵایەتی ڕێکخراو لە دژی شەڕی جینۆسایدی تورکیا پێویستە" هەروەها هاتووە، "دەوڵەتی فاشیستی تورکیا لە ژنانی کورد و خەڵکی ڕێکخراو دەترسێت، پێش هەموو شتێک فەرەنسا و دۆستەکانمان لە ئەوروپا دەبێت وەڵامێکی مێژوویی بدەنەوە. بەم بەرخۆدانە، حکومەتی فەرەنسا کە ١٠ ساڵ لەمەوبەر تاوانێکی دیکەی ئەنجامدا و کۆمەڵکوژییەکەی شاردەوە، ڕۆڵی مێژوویی خۆمان دەگێڕین و تاوانباران ئاشکرا دەکەین".